.jpg.webp)
Cédric Wermuth bi ere Delegiirteversammlig im 2009i
De Cédric Wermuth (* 19. Februar 1986 z Jegischdorf) isch en Schwiizer Politiker. Er isch Präsident vo de JungsozialistInnen Schweiz gsi und jetz Co-Präsidänt vo de SP.
Politik
Partei
De Cédric Wehrmuth isch im 1999 de Jusos biiträtte, wo-n-er vo 2003 bis 2005 in eme Co-Präsidium de Kantonalverband vo de Aargauer Jusos gleitet het. Vo 2005 bis 2007 isch er Zentralsekretär vo de Schwiizer Jusos gsi und am 7. Juni 2008 hei en d Jusos zum Parteipräsident gwählt. Im Oktober 2008 isch er uf em Parteitag vo de SP Schwiiz zum Vizepräident gwählt worde.
Ämter
De Cédric Wermuth, wo z Bade wohnt, het im 2009 für de Grossi Rot kandidiert, isch aber nöd gwählt worde. Im Oktober 2009 hei en aber d Badener in de Iiwohnerrot vo de Schtadt gwählt.
Weblink
- D Homepage vom Cédric Wermuth
- S politische Profil vom Cédric Wermuth uf smartvote.ch (Site cha nüme abgrüeft wärde; Suche im Webarchiv)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.