Nordabschnitt

Vo Baddè-Baddè bis Freudèschtadt volauft d B 500 i dè Nôchi vom Gebirgsgròòt vum Nordschwarzwald. Dört vodiènt sich d Strõß au dè Titel Schwarzwaldhochschtrõß, well s uff dè Höchi un im Wald un ußerhalb vo dè Ortschaftè, wo rächts un links vum Gròòt ligèd, volauft.

Huckepack-Abschnitt

Uff zwei Abschnitt isch d B 500 sozsägè wiè-nè Gschpônle uff dè Trassè vo andrè Bundesschtrõßè, also Huckepack, unterwägs:

• Freudèschtadt-Tribärg: Freudèschtadt-Hausach mit dè B 294, Hausach-Tribärg mit dè B 33,
• Hinterzartè-Fèldbärg-Bärèdal: Hinterzartè bis Neuschtadt-Wescht mit dè B 31, Neuschtadt-Wescht bis Bärèdal mit dè B 317

Südabschnitt

Zèrscht gòt d B 500 am Nordufer vom Schluuchsee durrè, denn übber dè Höchèschwander Bärg bis an Hochrhy. Well dè Höchèschwander Bärg vo übber 1000 m Höchi uff öppè 350 m Höchi am Rhy abbèkeit, isch d B 500 für mengè Lkw-Faarer scho zuè nèm Brobleem worrè, well si s mit èm Abbrèmsè zwüschè Waldhuus un Waldshuèt nimmi so ghaa hèn. Uss dèm Grund git s è baar Vozögerungsschtreifè a dè B 500, wo mit Kys un Sand gfüllt sin, damit d Lkw-Faarer im Notfall rächts usè ziè chönnèd. Dè Aaschluss vo dè B 500 a d Hochrhy-Strõß, d B 34, lyt im Stadtgebièt vo Waldshuèt.

A dè Schwarzwaldhochschtrõß

de Rhyübbergang bi Iffezheim

• d Pferderennbaan z Iffezheim
• d Bäderschtadt Baddè-Baddè
• d Hornisgrindè, dè högscht Buggel im Nordschwarzwald
• dè Mummelsee

A dè Bundesschtrõß 500 im Südschwarzwald

• Tribärg mit dè högschstè dütschè Wasserfäll
• d Uhrèschtadt Furtwangè mit èm Dütschè Uhrèmuseum
• dè Winterschportort Hinterzartè mit èrè Skischprungschanzè
• dè Titisee, dè gröscht Nadursee im Hochschwarzwald am Fuèß vom Fèldbärg
• dè Stausee Schluchsee, dè gröschte See im Schwarzwald, wo d B 500 als Uferschtõß am Nordufer vo Aaha bis Seebrugg fungyrt
• s Dorf am Himmel Höchèschwand mit èm högschstglegènè beheizte Waldfreibad in Europa