S SG im Lemma isch s offiziell Chürzel vom Kanton Sanggale und wird bruucht, zum Verwächslige mit Yträäg vom Name Buchs vermyde, wo öppis anders meined.
Buchs
Wappe vo Buchs
Wappe vo Buchs
Basisdate
Staat:Schwiiz
Kanton:St. Galle (SG)
Wahlchrais:Werdebergw
BFS-Nr.:3271i1f3f4
Poschtleitzahl:9470
UN/LOCODE:CH BUC
Koordinate:753749 / 225954
Höchi:448 m ü. M.
Flächi:15.95 km²
Iiwohner:i13'605 (31. Dezämber 2022)[1]
Website:www.buchs-sg.ch
Buggs vom Schloss Werdebärg us gsäh
Buggs vom Schloss Werdebärg us gsäh

Buggs vom Schloss Werdebärg us gsäh

Charte
Charte vo Buchs
Charte vo Buchs
w
di evangelisch Cherche
di katholisch Cherche
di Interstaatlich Hochschuel för Technik Buchs (NTB)

Buggs (amtlich Buchs) isch e politeschi Gmaind und sit es paar Johr e Stadt, wo zum Waalchrais Werdeberg im Kanton Sanggale i de Schwiz ghört.

Geografii

Buggs liit im Zäntrum vom obere Sanggaller Rhintl. De Rhii isch im Oste d Gmainds- und Staatsgränze zum Liechtasta. Dur e Stroosse- und e Ysebahnbrugg öber de Alperhii isch Buggs mit de Liachtastaaner Gmaind Schaa verbunde. De tüüfschti Punkt isch uf 441 m ü. M. und de höchschti Punkt isch uf em Glannachopf mit 2'232 m ü. M.

Zu Buggs ghöred d Ortstail Buggs, Altedorf, Räfis und Burgerau. D Nochbergmainde sind Grabs, Gams, Seevele und Sennwald, im Förschtatum Liachtaschta usserdem no d Gmainde Escha, Schaa und Vadoz.

Gschicht

S Dorf isch ane 765 im Testament vom Churer Bischof Tello s erschte Mol erwäänt worde. Im Mittelalter het de Ort zur Grofschaft Werdebärg ghört. 1526 isch vom Glarner Landvogt Jost Tschudi ou z Buggs d Reformazioon iigfüert worde. Ab 1798 hät d Gmaind innerhalb vo de Helvetische Republik zum Kanton Linth und 1803 schliesslech zum Kanton Sanggale ghört. Si isch bis Endi 2002 Bezirkshauptort vom ehmolige Bezirk Werdebärg gsi.

Im 1970gi isch z Buggs s Neu-Technikum Buchs (NTB) eröffnet wore. Träger vo däre Fachhochschuel sind d Kantön Sanggale und Graubünde und s Förstetum Liechtasta. Sit 1999 isch s NTB aini vo de vier Tailschuele vo de Fachhochschuele Ostschwiz FHO. D Schuel ghaisst sit dänn Interstaatliche Hochschule für Technik Buchs, d Abchörzig NTB isch aber blebe.

Vecheer

Im Johr 1858 hät Buggs en Bahof öbercho, will de Abschnitt Rhinegg–Chur vo de Rhiitallinie (Bahnstrecki Chur–Rorschach) eröffnet woren isch. Im Oktober vo 1872 isch de erst Zug öber de Rhii uf Schaan und witer bis uf Feldkirch gfahre. Wäge däm isch Buggs en Gränzbahof för de internazonal Persone- und Güetervecheer wore und de Rangierbahof hät möse rächt uusbaut wöre. Underdesse gits z Buggs no en witere Bahof, d Haltstell Räfis-Burgerau, wo zwösched Buggs und Seavala liit.

Buggs liit a de Hoptstrooss 13, wo vo Samagrethe ufe chunnt und em Rhii noo witer uf Sargans goht. Zuesätzlich gits d Hoptstrooss 16, wo vo Buggs öber Gams, Grabs und Wildhuus is Toggeburg und witer bis uf Wiil abe füert. Uf däre Strecki fahred Postauto vo Buggs bis Nesslau. Buggs hät sit de 1970er-Johr o en Autobahnaaschluss a de A13 (Samagrethe–Bellinzona).

Bevölkerig

Bevölkerigsentwicklig
Johr1831185019001950199019921995
Iiwohner1'7812'0153'8515'2049'78810'00110'214
Johr2000200520102014201520162017
Iiwohner10'39910'54711'24212'04812'41412'531

Am 31. Dezember 1992 hät d Gmaind Buggs s erschtmol öber 10-tuusig Iiwohner gha und ischt sit do rain statistisch gseh a Stadt. Im 2014 hät da Gmaindroot bschlossa, as Buggs sich o as Stadt söll bezaichne und us em Gmaindroot en Stadtroot söll wäre. Uf de 1. Jänner 2015 isch dänn o s Logo aapasst wore.

s Logo vo de Gmaind Buggs bis am Endi 2014 s Logo vo de Stadt Buggs sit aafangs 2015
s Logo vo de Gmaind Buggs bis am Endi 2014
s Logo vo de Stadt Buggs sit aafangs 2015

Persönlichkaite

  • Simon Schwendener (1829–1919), Botaniker und Uniwersitätsprofesser
  • Jakob Vetsch (1886–1944), Werdebärger Bezirksammann
  • Gallus Berger (1903–1982), sozialdemokratische Nationalrot und Gwärkschafter
  • Heinrich Rohrer (1933–2013), Füsiker und Nobelpriisträger
  • Otmar Bucher (* 1935), Grafiker und Gstalter
  • Florian Vetsch (* 1960), Autor, Öbersetzer und Heruusgeber
 Commons: Buchs SG – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.