der Bruno Ganz (2011)

Der Bruno Ganz (* 22. März 1941 z Züri; † 16. Februar 2019 z Au, Wädischwiil)[1] isch e Schwiizer Schauspiiler gsi.

sis Läbe

Der Bruno Ganz isch im Zürcher Kwartier Seebach als Sonn von ere Arbeiterfamilie uf d Wält cho. Er het scho mit Sächzääni s erschte Mol im ene Film chönne ufträtte; es isch im Film Der Herr mit der schwarzen Melone gsi. Sini Uusbildig as Schauspiiler het er im Zürcher Büünestudio übercho.

Der Ganz het z Düütschland am «Junge Theater Göttinge» und am «Theater am Goetheplatz» z Breeme und spöter denn am Zürcher Schauspiilhuus gschaffet. Sid 1967 het er vil Theaterstück mit em Peter Stein uf d Bei gstellt. Er het au z London und z Berlin a der «Schaubüüni» gspiilt, derno öppen au z Bochum und uf de Salzburger Feschtspiil und am Wierner Burgtheater. Und me het ne in meh als hundert Film chönne gseh. 1965 het er d Sabine Ganz ghürootet, spöter het er mit der Ruth Walz zämegläbt.

Schwiizer Mundartfilm, wo me der Bruno Ganz cha gseh

  • Der Herr mit der schwarzen Melone, Regie: Karl Suter, 1960
  • Chikita, Regie: Karl Suter, 1961
  • Es Dach überem Chopf, Regie: Kurt Früh, 1962
  • Der Erfinder, Regie: Kurt Gloor, 1980
  • Der Pendler, Regie: Bernhard Giger, 1984
  • Brandnacht, Regie: Markus Fischer, 1992
  • Vitus, Regie: Fredi M. Murer, 2005
  • Der grosse Kater, Regie: Wolfgang Panzer, 2010
  • Heidi, Regie: Alain Gsponer, 2015

Uuszeichnige (Uuswahl)

  • der Iffland-Ring
  • s Öschtrychische Ehrezeiche für Wüssenchaft und Kunscht
  • der Düütsch Filmprys
  • der Hans-Reinhart-Ring
  • Offizier vom Ordre des Arts et des Lettres
  • der Prix Walo
  • der Bremer Filmpryys
  • der Europäisch Filmpryys
  • der Niedersächsisch Verdienschtorde
  • der Theaterpryys Berlin
  • der Schwiizer Filmpryys
  • s Bambi
  • s Bundesverdienschtchrüüz 1. Klass
  • Ritter vo der französischen Ehrelegion
  • der «Pardo alla Carriera» ufem Filmfestival Locarno
  • die Guldigi Kamera
  • d Carl-Zuckmayer-Medalie
  • Swiss Award
  • der Bayrisch Filmpryys

Literatur

  • Thomas Blubacher: Bruno Ganz. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 676 f.
 Commons: Bruno Ganz – Sammlig vo Multimediadateie

Fuessnoote

  1. ↑ Cosima Lutz: Nachruf auf Bruno Ganz – Nun schaut er für immer von oben zu. In: Berliner Morgenpost, 16. Februar 2019.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.