Dr Bruno Baur (* 1955 z Saarmischtorf) isch en Schwyzer Biolog un emeritierte Brofässer fir Naturschutzbiology an dr Uniwersitet Baasel. Är laitet dert s Departemänt Naturschutzbiology, wu mit syre Schwärpunktsetzig uf di naturschutzfachlige Aschpäkt vu dr Biology ais vu dr wenige sonige im dytschsprochige Ruum isch.

Lääbe

Dr Baur het an dr Kantonsschuel Aarau d C-Matura gmacht. Derno het er Zoology an dr Uniwersitet Züri studiert un het anne 1980 mit em Diplom abgschlosse. 1984 isch er mit ere Dissertation iber dr Gfläckt Schnirkelschnäck promewiert wore. Ab 1985 het er an dr Uniwersitet Uppsala gforscht, wn er si 1988 habilitiert het. Vu 1988 bis 1993 het er as Assischtänt am Zoologische Inschtitut vu dr Uniwersitet Baasel gschafft. 1995 isch er dert zum Brofä#sser fir Naturschutzbiology gruefe wore un het d Laitig vu dr Abdailig Biology vum Inschtitut fir Natur-, Landschafts- un Umwältschutz (NLU) ibernuu.[1] Ändi 2021 isch er emeritiert wore.[2]

Dr Baur het zue dr Fragmäntierig vu Lääbesryym un zue dr Uuswirkige dervu uf di biologisch Vylfalt gforscht. En andere Aschpäkt vu syre Forschig sin Untersuechige zum Yyfluss vum Freizytverhalte uf di biologisch Vylfalt in naturnoche Lääbesryym un di anthropogene Yyfliss uf Reliktbflanze un -dier in dr Felsgebiet vum Nordweschtschweizer Jura gsii. Är het si spezialisiert ghaa uf Untersuechige vu dr Interaktione vu Fläächte un Herbivore.

Uusgläseni Schrifte

  • Mit Klaus C. Ewald, Bernhard Freyer, Andreas Erhardt: Ökologischer Ausgleich und Biodiversität. Grundlagen zur Beurteilung des Naturschutzwertes ausgewählter landwirtschaftlicher Nutzflächen (Springer, Basel, 1997. ISBN 978-3-7643-5802-0
  • Biodiversität. UtB, Stuttgart, 2010. (Uni-Taschenbücher.) ISBN 978-3-8252-3325-9
  • Mit Raimund Rodewald: Wasserfälle: Ökologische und sozio-kulturelle Leistungen eines bedrohten Naturmonumente Haupt, Bern, 2015. (Bristol Schriftenreihe. 46.) ISBN 978-3-25807949-3
  • Wissen schaffen. 100 Jahre Forschung im Schweizerischen Nationalpark, Nationalpark-Forschung in der Schweiz. Haupt, Bern, 2021. ISBN 978-3-25847862-3 e-book
  • Naturschutzbiologie. UtB, Stuttgart, 2021. (Uni-Taschenbücher.) ISBN 978-3825-25416-2

Fueßnote

  1. ↑ Basler Stadtbuch 1999. Ausgabe 2000. 120. Jahr. Basel 2000, ISBN 3-85616-122-8, S. 338.
  2. ↑ Milde Winter: Obstbäume und Insekten sind gefährdet. In: srf.ch. 3. Jänner 2023.
Dä Artikel basiert uff ere fräie Übersetzig vu dere Version vum Artikel „Bruno_Baur“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.