Bäsibüre
Wappe vo Bäsibüre
Wappe vo Bäsibüre
Basisdate
Staat:Schwiiz
Kanton:Aargau (AG)
Bezirk:Muriw
BFS-Nr.:4226i1f3f4
Poschtleitzahl:5627
Koordinate:668592 / 240885
Höchi:455 m ü. M.
Flächi:2.38 km²
Iiwohner:628 (31. Dezämber 2022)[1]
Website:www.besenbueren.ch
Charte
Charte vo Bäsibüre
Charte vo Bäsibüre
ww

Bäsibüre (amtlich Besenbüren) isch en Iiwohnergmeind im Bezirk Muri im Schwiizer Kanton Aargau. S Dorf ligt im mittleren Bünztal.

Geographii

Di Gmeind ligt öschtlich vo de Bünz am Übergang zum Wagerai, öppe in de Mitti zwüsche de Bünz und de Rüüs. De Gmeindsbann isch 238 Hektare gross, dodervo sind 47 Hektare Wald und 29 Hektare überbaut. De höchschti Punkt isch uf 498 Meter, der tüüfschti uf 436. Nochbargmeinde sind Hermetschwil-Staffle im Norde, Rotteschwil im Oschte, Arischtau im Südoschte, Bosmel im Südweschte und Bünze im Nordweschte.

Gschicht

s Gmeindshus und de Dorflade

Bäsibüre isch zum erschte Mol in ere Urkund us em Johr 1160 erwähnt worde und zwar in de Acta Murensia. D Grundherre vom Dorf sind im Mittelalter zwei Chlöschter gsi, Muri und Ängelbärg und d Landesherre d Habsburger. Di nideri Grichtsbarkeit isch bi de Herre vo Heidegg gsi.

Wo d Eidegnosse im 1415 de Aargau eroberet hei, isch Bäsibüre en Teil vom Amt Bosmel vom Freiamt worde, ere gmeine Herrschaft. Di nidrig Grochtsbarkeit isch aber bi de Herre vo Heidegg blibe, wo si im 1471 s erschti Mol und im 1617 ändgültig ans Chloschter Muri verchauft hei. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Bäsibüre het in dere Ziit zum Kanton Bade ghört, wo 1803 zum noie Kanton Aargau cho isch.

Literatur

  • Georg Germann: Die Kunstdenkmäler des Kantons Aargau, Band V: Der Bezirk Muri. (= Kunstdenkmäler der Schweiz. Band 55). Hrsg. von der Gesellschaft für Schweizerische Kunstgeschichte GSK. Bern 1967, DNB 457321970.
 Commons: Bäsibüre – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.