| Bermuda | |||||
| |||||
| Wahlspruch: Quo Fata Ferunt (latein „Wo uns s Schiggsal aanedribt“) | |||||
| Amtsspraach | Änglisch | ||||
| Hauptstadt | Hamilton | ||||
| Staatsoberhaupt | Charles III. Gouverneur: Rena Lalgie | ||||
| Regierigschef | Ewart Brown | ||||
| Flächi | 53,3 km² | ||||
| Iiwohnerzahl | 67.837 (Stand Juli 2009) | ||||
| Bevölkerigsdichti | 1226,4 Iiwohner pro km² | ||||
| Währig | Bermuda-Dollar | ||||
| Nationalhimne | God Save the King | ||||
| Zitzone | UTC -4 | ||||
| Internet-TLD | .bm | ||||
| Vorwahl | +1 (441) lueg NANP | ||||
 | |||||
 | |||||
Bermuda isch en Inselgruppe im Atlantik. As britischs Überseegebiet stoht s under dr Hoheit vom Vereinigte Königriich.
D Bermuda-Insle si vor allem wäge de Gschichte über s Bermudadreiegg, für d Bermudashorts und s Bermuda-Rigg bekannt worde.
Geographii
D Bermuda-Insle bestöhn us öbbe 150 Koralleninsle. Under ihne isch Grand Bermuda mit Abstand die grössti. Im Nordweste gränze Somerset Island und im Nordoste Saint George’s Island an d Hauptinsle.
S Klima uf de Bermuda-Insle isch subtropisch-füechtwarm. Allerdings cha s im Januar 5 Grad wärde. Im Septämber git s hüfig Hurrikan.
Die höchsti Erhebig im Land isch dr Town Hill mit 79 m. Uffallend isch die starki Zergliiderig vo de Insle und die zahlriiche Karsthöhlene. Um d Insle ume het s Koralleriff. Es si die nördligste dropische Koralleriff uf dr Wält. Es git nume ei Stell im östlige Bermuda, wo grossi Chrüzfahrt- oder Containerschiff, wo regelmässig in Bermuda ankere, dur d Riff duure chönne. Uf den Insle git s keini Flüss, dorum muess s Rägewasser in Zistärne gsammlet wärde.
Koordinate: 32° 20′ N, 64° 45′ W