| Berg am Irchel | |
|---|---|
 Wappe vo Berg am Irchel | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Andelfinge |
| BFS-Nr.: | 0023 |
| Poschtleitzahl: | 8415 |
| Koordinate: | 687394 / 269086 |
| Höchi: | 410 m ü. M. |
| Flächi: | 7,06 km² |
| Iiwohner: | 592 (31. Dezämber 2022)[1] |
| Website: | www.berg-am-irchel.ch |
 Bèèrg am Irchel Bèèrg am Irchel | |
| Charte | |
 Charte vo Berg am Irchel | |
Bèèrg am Irchel (amtlich Berg am Irchel) isch e politischi Gmäind im Bezirk Andelfinge im Kanton Züri, Schwiiz.
Geografi
Bèèrg am Irchel isch es Huuffetorff uf ere Terrasse am Nordhang vom Irchel. Zue de Gmäind ghöört au na Gräslike (Gräslikon). S Piet vo de Gmäind umfasst 48,2 % landwirtschaftlichi Flèchi, 45,3 % Wald, 3,1 % Sidligsflechi, 1,8 % Vercheersflechi und 1,4 % Gwässerflechi.[2]
Gschicht
Bèèrg am Irchel isch zum eschte Mal gnamset worde im Jaar um 1100 als Berga (1243 Berge). Gräslike ghöört siit 1855 zue Bèèrg. Im 1619i het d Gmäind s Oberdorf, im 1775i s Schloss Scholebèèrg (Schloss Schollenberg) und im 1788i d Ziegelhütte an Flòòch abträtte.
Bevölkerigsentwicklig
Quälle: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 468 | 614 | 594 | 545 | 496 | 464 | 427 | 464 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 428 | 429 | 405 | 420 | 386 | 376 | 466 | 573 |
De Uusländeraatäil liit bi 7,2 % (Stand 2011).[2]
Religion
71,2 % vo de Iiwooner sind evangelisch-reformiert, 10,4 % sind römisch-katholisch (Stand 2011).[2]
Politik
Bi de Kantonsraatswaale 2011 hät s das Ergebnis ggee:[2] BDP 3,5 %, CVP 3,6 %, EDU 6,0 %, EVP 1,3 %, FDP 10,6 %. GLP 9,2 %, GP 9,8 %, SP 6,6 %, SVP 49,4 %, Suschtigi 0,0 %.
Gmäindspresidänt isch de Roland Fehr (Stand 2016).
Wirtschaft
D Arbetslosigkäit isch im Jaar 2010 bi 1,4 % gläge.[2]
Tieläkt
De züritüütsch Tieläkt vo Bèèrg am Irchel ghört zue de Winterthurer Mundarte.
Literatur
- Hermann Fietz: Die Kunstdenkmäler des Kantons Zürich, Band I: Die Bezirke Affoltern und Andelfingen. (= Kunstdenkmäler der Schweiz. Band 7). Hrsg. von der Gesellschaft für Schweizerische Kunstgeschichte GSK. Bern 1938. DNB 365803030.
Weblink
- www.berg-am-irchel.ch
- Martin Illi: Berg am Irchel. In: Historisches Lexikon vo dr Schwiiz.
Fuessnote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- 1 2 3 4 5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )