Bennwil
Wappe vo Bennwil
Wappe vo Bennwil
Basisdate
Staat:Schwiiz
Kanton:Basel-Landschaft (BL)
Bezirk:Waldeburgw
BFS-Nr.:2882i1f3f4
Poschtleitzahl:4431
Koordinate:626023 / 249966
Höchi:515 m ü. M.
Flächi:6,51 km²
Iiwohner:659 (31. Dezämber 2022)[1]
Website:www.bennwil.ch
Bennwil
Bennwil

Bennwil

Charte
Charte vo Bennwil
Charte vo Bennwil
w
Dialäkt: Baseldytsch

Bämbel (hochdytsch Bennwil) isch e politischi Gmeind im Bezirk Waldeburg vom Kanton Basel-Landschaft in dr Schwiz.

Lag

Bämbel ligt uf 515 m ü.M. in ere glaine Sänki zwische em Waldeburger- und Diegtertal. Sini Nochbergmeinde heisse Höllschtä, Niiderdorf, Oberdorf, Langebrugg, Eptige und Diegtä. D Gmeind isch vo Höllschtä per Bus, wo durchs Gürbletäli fahrt, erreichbar. In Höllschtä haltet s Waldeburgerli, wo vo Lieschtel kunnt.

Wappe

S Wappe zeigt es silbrigs Lämmli mit emene Heiligeschiin um e Kopf. S Lämmli treit e goldigi Stange mit eme Kryz, wo e silbrigi Fahne mit eme rote Kryz dra agmacht isch. S Wappe erinneret an die ehemoolig Beziehig zem Benediktinerkloschter Schöntel z Langebrugg.

Gschicht

S Dorf isch im 8. Joorhundert vo de Alemanne grindet worde. 1189 isch Bämbel s erscht Moll als Bendewilere erwähnt worde, wo s dr Graf Hermann II. vo dr Frohburg em Kloschter Schöntel gschänggt hett. Wo s Kloschter 1528 uffghobe worde isch, isch s Dorf an Basel ibergange. E Dorfbrand 1617 hett d Chile, acht Wohnhyser und zwei Schüüre zersteert.

Sehenswürdigkeite

  • Chile, 1670 neu baut
  • E Taufbecki us em 15. Joorhundert uss Messing, e Gschänk vom Kloschter Schöntel
  • S Carl Spitteler-Dänkmool uff em Dorfplatz vo 1948, e Findling uss de Walliser Alpe
  • Baselbieter Spycher (Schüre) us em 16. Joorhundert
  • Dorfmuseum mit ere riichhaltige geologische und historische Abteilig und emene funktionierende Wäbstuehl

Bilder

Perseenligkeite

  • Dr Vatter vom Nobelpriisträger und Dichter Carl Spitteler, wo z Lieschtel gebore isch, kunnt vo Bämbel

Literatur

  • Axel Christoph Gampp, Sabine Sommerer: Die Kunstdenkmäler des Kantons Basel-Landschaft IV. Der Bezirk Waldenburg. (= Kunstdenkmäler der Schweiz. Band 124). Hrsg. von der Gesellschaft für Schweizerische Kunstgeschichte, Bern 2014, ISBN 978-3-03797-115-4.
 Commons: Bämbel – Sammlig vo Multimediadateie

Fuessnoote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023


Dä Artikel basiert uff ere fräie Übersetzig vum Artikel „Bennwil“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.