S SH im Lemma isch s offiziell Chürzel vom Kanton Schaffuuse und wird bruucht, zum Verwächslige mit Yträäg vom Name Bargen vermyde, wo öppis anders meined.
Bargen
Wappe vo Bargen
Wappe vo Bargen
Basisdate
Staat:Schwiiz
Kanton:Schaffuuse (SH)
Bezirk:Schafuusew
BFS-Nr.:2931i1f3f4
Poschtleitzahl:8233
UN/LOCODE:CH BGN
Koordinate:687038 / 293176
Höchi:605 m ü. M.
Flächi:8,27 km²
Iiwohner:322 (31. Dezämber 2022)[1]
Website:www.bargen.ch
Luftufnahm vu Baarge
Luftufnahm vu Baarge

Luftufnahm vu Baarge

Charte
Charte vo Bargen
Charte vo Bargen
w

Baarge (amtlich Bargen) isch e politischi Gmeind im Bezirk Schafuuse vom Kanton Schafuuse. Si isch di nördlichscht Gmeind vo de Schwiiz.

De Gränzstei mit de Nummere 593, wo dä am wytischte im Norde isch vo de ganze Schwiiz

Geografi

Baarge isch e Buuredorf im obere Deil vom Durachtaal, wo bi de Höchi vo Neuhuuse am Rande uf dütschem Piet afoot. Uf de Weschtsyte vom Tal hets Wald a de Häng vom Ättebärg, vom Mannshopt, vom Hohhengscht und em Niderhengscht und a der Flangge vom Bargemer Rande. Zwei Sytetäler sind uf em Gmeindpiet, s Hauetaal und Mülitaal. D Gmeindsflächi umfasst 29,2 % landwirtschaftlichi Flächi, 65,8 % Wald, 4,8 % Sidligsflächi und 0,2 % sustigi Flächi.[2] Uf em Gmeindsgebiet vo Baarge lit de «Schwarzi Stei» oder de «Gatterstei», wo nid nu de nördlichsti Punkt vom Kanton Schafuuse, sondern au vo de ganze Schwiz markiere tuet.

Nochbergmeinde vo Baarge sind im Weste und Norde Bluembärg, im Oste Tenge (beidi Dütschland) und im Süde d Schwizer Gmeind Merishuuse.

Gschicht

Baarge isch zum erschte Mol gnennt worde im Johr 884 als Paragen. S Dorf het de Nälleburger und spöter em Chloschter Allerhäilige ghört und denn sid em 15. Johrhundert de Stadt Schaffhuuse.

Wappe

S Gmeindswappe vo Baarge zeigt es Sänkblei und de Freiheitshuet.

Sproch und Dialekt

Bi de Volkszellig 2000 hend vo de 248 Iiwohner 96 % Dütsch als Hauptsproch aagee und 1,6 % Italienisch.[2]

De hochalemannisch Dialekt vo Baarge ghört zue de Nordoschtschwizer Dialekt.

Der Chansonier Dieter Wiesmann het vo Barge es Lied i der Schaffhuser Mundart gmacht: Paar Hüser, paar Gärte, chli Wald und chli Land - es chlises Dorf am Rand ….

Bevölkerig

Quälle: Bundesamt für Statistik 2005[3]

Johr18501860187018801888190019101920
Iiwohner327327319277274226221215
Johr19301941195019601970198019902000
Iiwohner207227203215249237214248

De Uusländeraateil isch 2010 bi 18,5 % gläge.[2]

Religion

61,7 % vo de Iiwooner sind evangelisch-reformiert, 20,6 % sind römisch-katholisch (Stand 2000).[2]

Politik

Bi de Nationalrootswaale 2011 het s da Ergebnis gee:[2] CVP 4,4 %, FDP 3,5 %, SP 19,7 %, SVP 70,2 %, Sustigi 2,2 %.

Gmeindspresident isch de Erich Graf (Stand 2012).

Wirtschaft

Z Barge isch de Zoll a der Landstrooss, wo d Kantonsstroos 4 vo Schaffhuuse här uf Rande und Blumbärg goot. Es git dai Tankstelle, s Reschtorant Chroone, wo i de Wärbig seit, es sig dä Gaschthof, wo am wytischte im Norde vo de Schwiiz liit,[4] und es Büro vo de Transbortfirma Gondrand.

 Commons: Bargen SH – Sammlig vo Multimediadateie

Fuessnote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. 1 2 3 4 5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
  3. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
  4. ↑ Chroone vo Baarge uf resto.ch


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.