Balaklawa
Балаклава
Балаклава
Balıqlava
Region uf dr Krim: Sewastopol
geographischi Koordinate: 44° 30′ 0" N, 33° 36' 0" O
Höchi: 10 m
Iwohner: 30'000 Iiwohner (2001)
Postleitzahl: 297330
Vorwahl: +7-8692
Zittzone: MSK: UTC +3
Balaklawa (Krim )
Balaklawa
Balaklawa

Balaklawa (ukrain. und russ. Балаклава, Balaklava; krimtat. Balıqlava [balɯqˈlava]) isch e Hafenort uf de Krim und sit 1957 e Stadttail vo Sewastopol.

Gschicht

d Bucht vo Balaklawa

De Hafe am Schwarze Meer isch scho i de Antiki aagfaare wore und het Symbolon limen (Συμβόλων λιμήν) ghaisse. De Hafe het zerscht a de Taurer ghört und isch denn zum Piet vo de griechische Kolonii Chersonesos Herakleia (h. Sewastopol) cho. Bi de Bucht isch au de Ort Palakion (Παλάκιον) glege.

Im 15. Jh. het de Ort underem Name Cembalo zu Genua ghört, isch denn aber au Schauplatz vom Chrieg zwüschet de Genuese und em Först vo Theodoro gsii.

Wo d Osmane d Stadt ane 1475 eroberet hend, hend s ere de Name Balıqlağu ( بالقلاغو »Fischerplatz”) ggee[1]. Die Hafestadt isch um 1530 zumene Zentrum vom Verwaltigsbezirk Balaklawa wore. Dozmol hend guet 900 Mensche i de Stadt glebt, öppe zwee Drittel devo sind Grieche gsii.

1774 isch d Stadt zum Krimchanat choo und 1783 zu Russland. D Russe hend scho ane 1778 ali Christe us de Stadt deportiert ghaa und d Tatare sind i d Türkei uugwanderet. 1802 isch d Stadt verödet gsii und nume e paar Verwaltigsbiamti und e griechisches Infanteriibataillon sind do stationiert gsii.

Im Krimchrieg (1853-1856) isch Balaklawa e Basis vo de Brite gsii, wo en Iisebaanlini uf Sewastopol glait hend, um di französische und britische Truppe z Versorge wo Sewastopol belageret hend. 1949 het de Stalin i de Bucht vo Balaklawa en U-Boot-Atombunker baue loo. Sit 1991 ghört Balaklawa zu de Ukraine.

Quelle

  1. ↑ Henryk Jankowski: A historical-etymological dictionary of pre-Russian habitation names of the Crimea; University of Michigan (2006). ISBN 90-04-15433-7
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.