| Basel SBB | |
|---|---|
 Dr SBB Baanhoof z Basel und der Centralbahnplatz | |
| Dr SBB Baanhoof z Basel und der Centralbahnplatz | |
| Daate | |
| Bedriibsart | Gränzbaanhoof |
| Perron | 16 |
| Abchürzig | BS |
| Eröffnig | 19. Dezämber 1854 |
| Profil uf SBB.ch | Nr. 10 |
| Architektonischi Date | |
| Baustil | Neobarock |
| Archidekt | Emil Faesch und Emanuel La Roche |
| Laag | |
| Stadt | Basel |
| Kanton | Basel-Stadt |
| Staat | Schweiz |
| Koordinate | 611375 / 266320 |
| Iisebahnstreckene | |
| |
| Lischte vo de Bahnhööf in dr Schwiz | |
| Dialäkt: Baseldütsch |
Dr Baanhoof Basel SBB (mäistens Basel SBB, sältener Centralbahnhof oder Schwiizer Baanhoof) isch dr grösst Gränzbaanhoof in Öiropa. Züüg vo Basel in d Schwiz (und Italie), die allermäiste Färnzüüg und e baar Regionalzüüg uf Dütschland, die mäiste TGV uf Bariis und e baar Regionalzüüg ins Elsass faare vom Baanhoof Basel SBB us. Witeri Züüg uf Frankriich faare vom Basel SNCF, em elsässische Baanhoof, won em Baanhoof SBB aagliideret isch, wo aber en äigene Empfangsruum und äigeni Perrons het. D Regionalzüüg vo dr Dütsche Baan faare übligerwiis vom Baadische Baanhoof, em zwäitgrösste Baanhoof z Basel, und au do und dört e Färnverbindig.
Dr Baanhoof isch e representativs Geböid mit ere neobarocke Fassade und isch zwüsche 1905 und 1907 vom Emil Faesch und vom Emanuel La Roche baut worde. Er isch uf dr Liste vo de Kulturgüeter vo nazionaaler Bedütig.
D Laag
S Baanhoofareal lit am südlige Stadtrand im ene langzoogene Gebiet zwüschen em Zolli im Weste und dr Brüglinger Ebeni im Oste. Bim Baanhoofareal chömme d Gränze vo vier Kwardier zämme; noch em Statistische Amt wird s Areal aber uf zwäi Stadtdäil ufdäilt: dr Baanhoof sälber befindet sich im Gundeli, die mäiste Gläis im Oste (Güeterbaanhoof) und dr Centralbahnblatz vor em Baanhoof (dr BIZ-Durm iibezooge) ghööre zum Dalbe-Kwardier. D Elisabethenaalaag vor em Centralbahnblatz ghöört scho zu de Vorstedt, wäärend d Määrthalle wisawii vom franzöösische Baanhoof Däil vom Ring-Kwardier isch.
Litratuur
- Werner Stutz: Bahnhöfe der Schweiz: Von den Anfangen bis zum Ersten Weltkrieg. Neuausgabe bei Orell Füssli, Zürich 1983, ISBN 3-280-01405-0.
- Fritz Kunz: Der Bahnhof Europas: 125 Jahre Centralbahnhof Basel, 1860–1985. Basler Schriften, 29. Pharos, H. Schwabe, Basel 1985, ISBN 3723002218.
- Dorothee Huber: Bahnhof Basel SBB. Schweizerische Kunstführer, Serie 76, Nr. 754. Gesellschaft für Schweizerische Kunstgeschichte, Bern 2004, ISBN 3-85782-754-8.
- Roland W. Scholz, Michael Stauffacher, Sandro Bösch, Pius Krütli (Hrsg.): Bahnhöfe in der Stadt Basel: Nachhaltige Bahnhofs- und Stadtentwicklung in der trinationalen Agglomeration. Rüegger, Zürich 2005, ISBN 978-3-7253-0831-6.
