Bachforele
Bachforele (Salmo trutta fario)
Systematik
Überordnig: Protacanthopterygii Ordnig: Lachsartigi (Salmoniformes) Familie: Lachsfisch (Salmonidae) Gattig: Salmo Art: Forelle (Salmo trutta) Underart: Bachforele
Wüsseschaftlige Name
Salmo trutta fario
Linnaeus, 1758

D Bachforele oder Bachförnli (Salmo trutta fario; alemanischi Näme) isch e Fisch, wo i filne Bäch und Flüss z finde isch und i de Schwiiz de verbraitisti Fisch isch. Trotzdem isch si gföördet, well si recht empfindli uf Wasserverschmutzig reagiert und uf gueti Versteck aagwisen isch, wa nu i Natuurgwässer mögli isch.

Uussie

S Bachförnli isch e bruu-grüeliche Fisch mit file schwarze Tupfe ufem Rugge und roote a de Siite. S werd bis 30 bis 50 cm lang und wögt denn 8 Kilo.

Verbraitig

D Bachforele isch i ganz Europa verbraitet bis an Ural ane, zudem no i de Törkai und im Maghreb nördlich vom Atlas. S lebt i klare chalte suurstoffriiche Bäch und Flüssli, wo schnell flüssed und e chiisige Grund hend. Si laicht bis zonere Hööchi vo 1700 müM, cha sös aber au witter obe gsichtet were. Bachforele verträäget Temperatuure öber 20 Grad nu schlecht. S Bachförnli isch de Laitfisch vo de Forelleregion.

Lebeswiis

D Laichzitt duuret vom Oktoober bis in Märze, binere Wassertemperatur zwösched 4 und 8 Grad. S Wiibli lait 500 bis 3500 Aier ine Chiisgrueb ab, wo s mit de Schwanzflosse ggrabe hett. Noch zwee bis drai Mönet schlüüffet d Laarffe, wo anderthalb Santimeeter lang sind. Im dritte Joor wered Bachforelle Gschlechtsriif. Si lebet maximal zee Joor.

Büecher

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfaune, 600 Tierarten der Stadt Zürich; Bern 2010; ISBN 978-3-258-07561-7

Weblink

 Commons: Forele – Sammlig vo Multimediadateie