D Ae 6/8 isch ä ehemaligi Streggäloggi vu d'r Lötschbärgbahn. Si het 6 Aatribs- und 2 Laufachse. Di acht Fahrzüg sind vu 1926 bis 1943 als Be 6/8 buut wordä. Si ischt vor Allem uf em Stammnetz vu derä Privatbahn im Regeldiänscht gsi, isch aber ufgrund vu ihrer Bärechraft au vu de SBB für d' Gotthardstreggi gmiätät wordä. Hüt haltet d' Lötschbärgbahn reschpektiv di hüttig BLS AG d' Loggi mit d'r Nummärä 205 als historisches Fahrzüg. Si isch im Depo vu Schpiäz staziuniert und wird glägentlich vor Noschtalgiezüg iigsetzt.