dr Axel Mayer (linksi) bin ere Red vum Meinrad Schwörer im Wyhler Wald (Mitti 1970er Johr)

Dr Axel Mayer (* 6. Novämber 1955) isch e dytsche Umwältschitzer. Är isch langi Johr Gschäftsfierer vum BUND-Regionalverband Oberrhy gsii.

Lääbe

Dr Mayer isch z Däninge in ere Arbaiterfamilie ufgwagse. Noch em Hauptschuelabschluss het er z Ämmedinge uf em Vermässigsamt Vermässigstächniker glehrt.

Syter anne 1974 engaschiert er si im regionale Natur- un Umwältschutz iber d Gränze ewäg. Aagfange het s mit dr Bsetzig vum Böublatz vu dr blante Bleichemywärch z Màrkelse, zäntral sin au dr Widerstand gege s blant AKW Wyhl un dr langjehrig Protescht gege s AKW Fassena gsii. Är isch aktiv Mitglid vu dr Burgerinitiativ Riegel un langjehrige Sprächer vu dr BI Riegel, aire vu dr Badisch-Elsässische Burgeriniziative. Am 1. April 1976 isch er Mitgliid vum BUND wore. Ab em 1. Dezämber 1991 isch er Gschäftsfierer vum BUND-Regionalverband Südlicher Oberrhein z Fryburg gsii. Ändi 2019 isch er in Ränte gange.

Är isch Vizebresidänt im „Trinationaler Atom-Schutzverband der Bevölkerung um das Atomkraftwerk Fessenheim“ (TRAS) gsii. In dr Aafangsjohr het er si au bim Piratesänder Radio Dreyeckland aktiv mitgmacht.

Syt Jänner 1992 isch er fir di Griene Mitgliid im Kraisdag vum Landkrais Ämmedinge. Är isch Mitglid in dr Muettersproch-Gsellschaft

Är engaschiert si au fir s Alemannisch, är het sälber au scho Gedicht im Dialäkt gschribe.

E baar Johr lang het er z Riegel gläbt, mittlerwyli wohnt er mit syre Partneri z Ändinge.

Weblink

• Axel Mayer: 65 Jahre & der ganze Rest – Ein Rückblick uf mitwelt.org
• Patrik Müller: Das gute Leben, Badische Zeitung, 12. Juli 2013