| Dialäkt: Vorarlbärgisch |
Da Atlantik oder Atlantische Ozean (au: Große Teich) bedeckt mit 106,57 Mio. Kwadratkilometer Fläche eppa 20 Prozent vo da Erdoberfläche und isch noch m Pazifik da zwoatgröschte Ozean vo da Erde.
Geografii
Da Atlantik liegt bis uf a paar klene Zipfile hauptsächlich in da weschtlicha Hemisphäre vo da Erde, zwüschat da Arktis im Norda, Europa im Nordoschta, Afrika im Südoschta, da Antarktis im Süda, Südamerika im Südweschta und Nordamerika im Nordweschta. Im Norda grenzt er as Nordpolarmeer, im Süda as Südpolarmeer.
Da Atlantik wird itoalt in Nord-, Zentral- und Südatlantik.
.jpg.webp)
Data
Ohne Nebenmeere, wia zum Biischpiel d Karibik, s Mittelmeer und d Nordsee, hot da Atlantik statt 106,57 Mio. km² "bloß" no 83,4 Mio. km².
Siins Wassa hot insgesamt a Voluma von 354,7 Mio. Kubikkilometer (bzw. 323,6 Mio. km³). A siina tiefschta Stell gohts 9.219 Meter unta d Meeresobafläche, im Durchschnitt isch da Atlantik ca. 3.926 Meter (bzw. 3.332 m) tief.
Da Atlantische Ozean isch salziger als da Pazifik.
Da Golfstroam bringt weamas Wassa uf Europa.
Nama
Da Nama «Atlantischa Ozean» kummt us da griechischa Mythologie und hoasst eigentlich «Meer vom Atlas». Da Atlas isch an Titan und treet da Sage noch s Himmelsgwölb uf siina Schultra.
Meeresboda
Innahalb vom Atlantik gits am Boda an hoha, langgschtreckta mittelozeanischa Rucka, viila niidrigere Schwella, a Tiefseebecka und vaschiidene Meerestiafana.
Da Mittelatlantische Rucka züht se eppa in da Mitte vom Atlantik vo Nord ge Süd da Länge noch durch. Er isch plattatektonisch a divergierende Plattagrenze, wo dauand Magma ustritt und s Meer bröata wird und d Kontinente usanand schiabt. S Milwaukeetief im Puerto-Rico-Graba, anara Tiefseerinne, isch mit 9.219 Meter unter Null die tiefschte Stell im Atlantik.
S Alter vom Tiafseeboda nimmt vom mittelatlantische Rucka hin zue de Kontinentalabhäng zue.
Neabameere
- Baffinbucht
- Golf vo Guinea
- Golf vo Mexiko
- Hudsonbucht
- Karibik
- Labradorsee
- Mittelmeer
- Nordsee
- Ostsee
- Schwarzes Meer
Insla
A paar vo da gröschta Insla vo da Wealt liigend im Atlantik: Grönland, Island, Grossbritannie, Irland und Neufundland. Zu da atlantischa Inslgruppana, Archipel, ghörend d Kanare, d Azore, d Bahamas, d Antille, d Kap Verde Insla und d Falklandinsla (span. Malvinas). Klenere, isolierte Insla sin Madeira, Ascension, St. Helena und Tristan da Cunha.
Wirtschaft
Am Atlantik stoand groassa Stedt mit Meereshoafa. S Meer isch wichdig für d Fischarei.
Literatur
- Holger Afflerbach: Das entfesselte Meer. Die Geschichte des Atlantik. 2001. ISBN 3-492-23989-7