Mit Hoggebüggse und Arkebuse wird e vilfältigi Familie vo Vorderlader us em 15. und 16. Joorhundert bezäichnet. Die si in Europa und Asie vorchoo und häi e Lunteschloss gha und e Kaliber vo öbbe 18 bis 20 Millimeter[1], noch andere Aagoobe bis zu 25 Millimeter.
Allgemäins
Die früenere und schweere Hoggebüggse si no chloobigi Witerentwicklige vo dr Fuströöre gsi, wo allerdings mit eme Cholbe und eme Lunteschloss entschäidend verbesseret worde si. Wil si schweerfellig gsi si, het mä sä usschliesslig as Verdäidigungswaffe brucht, vor allem het mä mit ene vo Burgmuure obenaabe gschosse. Früeji Modäll underschäide sich vom ene Handroor nume dur e Cholbe und Hogge und für zum Schiesse, het mä d Lunte vo Hand an s Zündloch gfüert. Us de Hoggebüggse si am Aafang vom 16. Joorhundert d Arkebuse entwicklet worde, wo dütlig handliger gsi si. Si si die chürzere und liichtere Zwilling vo de Muskete gsi, wo so schweer gsi si, ass si immer e Stützgable brucht häi. D Arkebuse hingeege häi au vo Riter chönne brucht wärde; und si also d Vorlöifer vo de Karabiner.[1]
Liddratuur
- Thomas Meyer: Bogen, Armbrust, Hakenbüchse. Entwicklung und Technik der Fernwaffen des Mittelalters. Books on Demand, Norderstedt 2009, ISBN 978-3-8370-8676-8.
Weblingg
- Handgonnes and Matchlocks (ängl.), e historische Überblick über d Entwicklig vo dr Hoggebüggse (mit Kwellenaagoobe)
- Hoggebüggse, Züügbuech vom Maximilians I., hist. Abbildig, öbbe. 1502 (Joor), Bayerischi Staatsbiliothek (Site cha nüme abgrüeft wärde; Suche im Webarchiv)
- Messinghoggebüggse, Züügbuech vom Käiser Maximilian I., hist. Abbildig, öbbe 1502 (Joor), Bayerischi Staatsbiliothek (Site cha nüme abgrüeft wärde; Suche im Webarchiv)
Fuessnoote
- 1 2 Dr Ardikel ‚Arkebuse‘ in dr Brockhaus Enzyklopädie, Leipzig 1996, ISBN 3-7653-3100-7
 |
Dä Artikel basiert uff ere fräie Übersetzig vum Artikel „Arkebuse“ vu de dütsche Wikipedia. E Liste vu de Autore un Versione isch do z finde. |