Dä Artikel behandlet de Bezirk Appezöll. För wiiteri Bedüütige lueg onder Appezäll.
Appenzell (Bezirk)
Wappe vo Appenzell (Bezirk)
Wappe vo Appenzell (Bezirk)
Basisdate
Staat:Schwiiz
Kanton:Appezell Innerrhode (AI)
Bezirk:(Bezirk ond Gmeend sönd identisch)
BFS-Nr.:3101i1f3f4
Poschtleitzahl:9050 Appenzell
9050 Appenzell Meistersrüte
Koordinate:749492 / 244381
Höchi:780 m ü. M.
Flächi:16,9 km²
Iiwohner:5864 (31. Dezämber 2022)[1]
Website:www.appenzell.org
Charte
Charte vo Appenzell (Bezirk)
Charte vo Appenzell (Bezirk)
wwww

Appezöll ischt e politische Gmeend (me sääd offiziöll Bezirk) im Kantoo Appezöll Inneroode i de Ostschwiiz.

Geografii

De Bezirk Appezöll bestood us de Döefe Rinkebach, Kau, Meistesrüüti mit em Weile Brende ond em Doef Appezöll. S Gebiet weed vo de Settere doflosse.

E Gass im Zentrum vo Appezöll
S Doef Appezöll us de Vogelperspektive

Appezöll

Zwee Drettel vom Doef Appezöll, wo glichzytig no Hoptoet vom Kantoo Appezöll Inneroode ischt, ghörid zom Bezirk Appezöll. De Rest vom Doef ghööd zu zwee andere Bezirk (Rüüti und Schwendi). Mit sine schöne Hüüse i de Gasse, de Cheeche Sankt Maurizius ond em Landsgmeendsplatz ischt de Fläcke beliebt bi Touriste us em Inn- ond Ossland.

Kau

D Streusidlig Kau liid westlig vom Doef Appezöll uf eme Hügel obe ond bestood us em Kaubaad, em Gämpingplatz Eische ond no andene chlinne Waile.

Meistesrüüti

Östlig vom Doef Appezöll, i Richtig Gääs, liid uf ere Aahöchi Meistesrüüti mit em Waile Brende, wo sölbe no chli wiite obe ond absiits vom Vechee ischt. Do Meistesrüüti good d Hoptstrooss vo Appezöll uf Gääs ond d Isebaalini vo de Appezölle Bahne hät dai en chlinne Bahof.

Uf em Landsgmeendsplatz föndt jeds Johr am letschde Soontig im Abröll, am Mettig am zwölfi, d Landsgmeend statt.

Gschecht

De Bezirk Appezöll, so wiene hüt bestood, ischt 1872 us de Rood Lehn ond eme Tääl vo de Rood Rinkebach entstande. De rot Ring im Wappe, mit em ufrächte, schwaaze Bär uf silbrigem Grond, symbolisiet de ehemolig Hof, us dem de Fläcke Appezöll bestood.[2]

Bevölkerig

Quelle: Bundesamt für Statistik 2005[3]

Bevölkerigsentwicklig
Johr188019001920195019701980199020002010
Iiwohner4'3024'5745'1735'0015'2174'7815'1945'6105'719
 Commons: Appezöll – Sammlig vo Multimediadateie

Fuessnoote

  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Wappe vom Bezirk Appezöll abgruefe am 15. März 2012
  3. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.