| Antigua and Barbuda Antigua und Barbuda | |||||
| |||||
| Wahlspruch: Each Endeavouring, All Achieving (eng., „Jede strängt sich a, alli hai Erfolg“) | |||||
| Amtsspraach | Änglisch | ||||
| Hauptstadt | Saint John’s | ||||
| Staatsoberhaupt | König Charles III.. verdräte dur d Generalgouverneur Rodney Williams | ||||
| Regierigschef | Gaston Browne | ||||
| Flächi | Antigua: 281 km² Barbuda: 161 km² | ||||
| Iiwohnerzahl | 85.632 (Quelle: CIA 2009) | ||||
| Bevölkerigsdichti | 155,4 Iiwohner pro km² | ||||
| Bruttoinlandsprodukt nominal (2007)[1] | 1.089 Mio. US$ (159.) | ||||
| Bruttoinlandsprodukt pro Iiwohner | 13.092 US$ (46.) | ||||
| Human Development Index | 0,868 (47.)[2] | ||||
| Währig | 1 Ostkaribische Dollar = 100 Cents | ||||
| Unabhängigkeit | vo Grossbritannie am 1. November 1981 | ||||
| Nationalhimne | Fair Antigua, We Salute Thee | ||||
| Zitzone | UTC −4 Stunde | ||||
| Kfz-Kennzeiche | AG | ||||
| Internet-TLD | .ag | ||||
| Vorwahl | +1 (268) siehe NANP | ||||
 | |||||
 | |||||
D Insle Antigua und Barbuda (s früehnere Dulcina) bilden e unabhängige Inselstaat innerhalb vom Commonwealth. Si lige zwüschen em Nordatlantik und dr Karibik, südöstlig vo Puerto Rico. Drnäbe existiert die unbewohnti Insle Redonda.
Geographii
Lag
Dr Antillestaat Antigua und Barbuda ghört zu de sogenannte Insle über em Wind. Er befindet sich zwüsche dr Karibik und em Atlantischen Ozean, öbbe 650 km südöstlig vo Puerto Rico. S Staatsgebiet, wo im Ganze 442,6 km² gross isch, umfasst drei Insle. Die grössti isch mit 280 km² Antigua, wo sich d Hauptstadt Saint John’s befindet. Barbuda umfasst 161 km² und lit 48 km nördlig vo Antigua. 56 km südwestlig vo Antigua befindet sich die unbewohnti Felseninsle Redonda, wo nume 1,6 km² gross isch. D Küstelinie vom Inselstaat isch 153 km lang.
Geologii und Geomorphologii
Au wenn d Hauptinsle Antigua vor allen us Kalkformatione ufbaut isch, goht si uf en unterseeische Vulkan zrugg, wo vor öbbe 34 Millione Johr im Südweste vo dr Insle usbrochen isch. Mit em Wachstum vo Koralle hai sich Chalchablagerige in Richdig Nordoste usbreitet. Dr höchst Punkt uf dr Insle und gliichzitig vom ganze Inselstaat isch dr 402 m hochi Mount Obama, früehner Boggy Peak. Er isch dr Räst vom Vulkankrater im Südweste vo Antigua.Barbuda isch d Oberflechi vom ene grosse Koralleriff. Dr höchst Punkt vo dr Koralleinsle, wo no wiitgehend unberüehrt und naturbelassenisch, stoht allerdings nume 44,5 m us em Meer uuse. D Küstelinie vo de beide Hauptinsle hai e Hife Stränd, Lagune und nadürligi Häfe (Buchte). Um d Insle ume het s Koralleriff und Undiefene. Die chliini Felseninsle Redonda isch dr Räst vom ene 296 m hoche erloschene Vulkan.
Klima
S Klima vo Antigua und Barbuda isch dropisch. D Tämprature chöme im Monatsdurchschnitt uf 22 (Dezämber bis Februar) und uf 30 °C (Juni bis Septämber). Mit eme mittlere Johresniiderschlag vo 900 bis 1.000 mm isch es für karibischi Verheltniss relativ droche. Es rägnet am meiste zwüsche Septämber und Novämber. Im Summer (Juli bis Oktober) bestoht d Gfohr vo tropische Wirbelstürm.
Anmerkungen und Einzelnachweise
Koordinate: 17° N, 62° W