Anna Rosenwasser (2023)

D Anna Rosenwasser (* 1. Mai 1990) isch e Schwyzer Schurnalischti, Kolumnischti, Bolit- un LGBTQ-Aktivischti.[1] Mer chännt si in dr Schwyz dur ire gsellschaftli un bolitisch Engaschmänt fir di rächtli Glychstellig vu Homosexuälle (Eh fir alli). Si setz si effetli gege Homophoby, gege d Diskriminierig vu sunschtige sexuälle Minderhaite un Persone mit ere sältenere Gschlächtsidentitet yy.[2][3][4]

Lääbe un Karriere

D Mueter vu dr Anna Rosenwasser isch Schwyzeri, ire Vater isch vu Israel[5]. Ufgwagse isch d Rosenwasser z Schafuuse. Si het an dr ZHAW Winterthur Schurnalismus un an dr Uni Züri Bolitologiy un Gschicht vu dr Neizyt studiert.

Syter 2008 schafft d Rosenwasser as freii Schurnalischti un schrybt Kolumne wie zem Byschpel fir hellozurich[6], SAITEN[7] un s Mannschaft Magazin[8]. Si isch e baar Johr lang im Vorstand vu dr greschte Schwyzer LGBTQ-Jugedgruppe Milchjugend gsii. 2017 isch si Mitgrinderi un Laiteri vu dr Schafuuser LGBTQ-Jugendgruppe andersh gsii.[9] Vu 2017 bis 2021 isch d Anna Rosenwasser d Co-Gschäftsfiereri vu dr Lesbeorganisation Schwyz LOS gsii.

Anne 2018 isch si fir dr LGBT+-Award vum Swiss Diversity Awards nominiert wore.[10] Im nämlige Johr het d Anna Rosenwasser uf em zweete Lischteblatz vu dr JUSO-Lischt fir dr Nationalrot kandidiert. Zäme mit em Kantonsbolitiker Florian Vock un em Illuschtrator Claudio Näf het si anne 2021 s Buech Queer Sex – Whatever the fuck you want vereffetligt.

D Anna Rosenwasser isch vor allem bi dr boode bolitische Vorlage iber dr Diskriminierigsschutz fir Lesbe un Schwuli (2020) un d Eh fir alli (2021) national un international in Erschynig drätte un wird vu dr Medie wäge däm as e wichtigi Verdrätteri vu dr LGBTQ-Lyt in dr Schwyz aagluegt.[11][12]

Privatlääbe

D Anna Rosenwasser läbt mit ire Partneri im Zürcher Kreis 5.

Publikatione

  • Anna Rosenwasser, Florian Vock und Claudio Näf: Queer Sex – Whatever the fuck you want. Print Matters, Zürich 2021, ISBN 978-3-033-08178-9

Literatur

Fueßnote

  1. ↑ Anna Rosenwasser. Abgruefen am 11. Mai 2021 (de-DE).
  2. ↑ Literaturtipps zum Mitnehmen – Anna Rosenwasser: «Diskriminierung macht mich müde». 30. Juni 2021, abgruefen am 8. November 2021.
  3. ↑ Die Zürcher Aktivistin Anna Rosenwasser – «E richtigi Frau mues … – Figg di, Roland». Abgruefen am 8. November 2021.
  4. ↑ Weltwoche: Beruf: lesbisch. Abgruefen am 8. November 2021.
  5. ↑ Debatte um Cancel Culture - Ist Cancel Culture demokratisch oder totalitär? 4. Mai 2021, abgruefen am 11. Mai 2021.
  6. ↑ Über uns – Team – Anna Rosenwasser. Abgruefen am 11. Mai 2021.
  7. ↑ Nebenbei gay – Saiten – Ostschweizer Kulturmagazin und Veranstaltungskalender. Abgruefen am 11. Mai 2021.
  8. ↑ Anna Rosenwasser, Autor bei Mannschaft. Abgruefen am 11. Mai 2021 (de-DE).
  9. ↑ Schaffhausen erhält einen neuen LGBT-Jugendtreff. 25. Januar 2017, abgruefen am 29. November 2021.
  10. ↑ Nominations – Swiss Diversity Awards. Abgruefen am 11. Mai 2021 (de-DE).
  11. ↑ Charlotte Theile: »Die Forderung ist ganz einfach: Love is Love«. Der Spiegel, 18. September 2021, abgruefen am 29. November 2021 (de-DE).
  12. ↑ Imogen Foulkes: Switzerland votes in favour of LGBT protection bill. BBC News, 9. September 2021, abgruefen am 29. November 2021 (änglisch).
Dä Artikel basiert uff ere fräie Übersetzig vu dere Version vum Artikel „Anna_Rosenwasser“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.