d Andrea Meier uf dr Leipziger Buechmässe 2016

D Andrea E. Meier (* 29. Mai 1970 z Züri) isch e Schwyzer Färnseeschurnalischti.

Lääbe

Vu 1987 bis 1990 het Andrea Meier e Chaufmännischi Lehr gmacht. Derno het si as Redakteri fir verschideni Radiosänder gschafft, unter anderem fir Radio Sunshine Zug (1994-1995) un Radio Z Züri (1995-1998). Vu 1996 bis 1998 het si as Freii Mitarbaiteri un Schwyz-Korreschpondänti fir Radio NRW, Radio 7 gschafft, derno fir Färnsehnochrichtenagentur DFA/N-TV, Hamburg (1999), TV3 ("News um 7", 1999-2000), Sat.1 ("Inselduell", 2000) un ARTE Info Stroßburi (2000-2002). Ab em Novämber 2000 het si as Kulturschurnalischti au als fir DRS3 un DRS1, Züri un fir DRS2 Aktuell, Basel brichtet, derzue as freii Autori fir Arte TV, ORF un dr Deutschlandfunk Köln. 2004 het si s SF-Magazin "SCHWEIZWEIT" moderiert.

Vu Augschte 2004[1] bis Jänner 2017 het si as Verdrätteri vum Schwyzer Färnsee bim Färnsehsänder 3sat s Magazin Kulturzeit moderiert.

Näbe ihre Schurnalistische Arbet het d Andrea Meier Chunschthochschuel Züri Kulturwisseschaft un Mediebolitik studiert.[2]

Anne 2008 het si im Bloomsbury Verlag s Chinderbuech Prinzessin Ich publiziert. D Andrea Meier isch ghyrote un het mit ihrem Mann zwoo Dechtere. D Familie läbt z Züri.[3]

Fueßnote

  1. ↑ Andrea Meier neue Moderatorin des 3sat-Magazins Kulturzeit (Memento vom 10. Novämber 2016 im Internet Archive). 26. Juli 2004 uf presseportal.de
  2. ↑ Die Kulturzeit-Redaktion – Moderatorin Andrea Meier Archivlink (Memento vom 10. Novämber 2016 im Internet Archive) uf 3sat.de
  3. ↑ Ute Rossbacher: Meier: "Mir liegen zeitgemäße Kulturthemen" (Memento vom 10. Novämber 2016 im Internet Archive). 30. Merz 2012 uf relevant.at
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.