d Ana Marwan bim Ingeborg-Bachmann-Bryys 2022

D Ana Marwan (* 1980 z Murska Sobota) isch e sloweenischi Schriftstelleri, wu uf Dytsch un uf Slowenisch schrybt,.

Lääbe un Wäärch

D Ana Marwan isch z Laibach ufgwagse, wu si Verglyychendi Literatuurwisseschaft studiert het. Im Alter vu 25 Joor isch si uf Wien gange, wu si Romanischtik studiert het. Anne 2008 isch si fir iri Chuurzgschiicht Deutsch nicht ohne Mühe mit em Exiil-Literatuurbryys „Schreiben zwischen den Kulturen“ uuszaichnet woore.[1][2] Dr Wettbewäärb het si an Autoor*ne mit Migrazioonserfaarige griichtet, wu dytschi Täxt mit ere Lengi von maximaal 20 Syte yygee hän.[3]

D Ana Marwan het aafangs in dr effetlige Verwaltig gschafft un widmet si syt 2014 uusschließlig em Schryybe un dr chinschtlerische Fotografy. Anne 2019 isch im Salzburger Otto Müller Verlaag ire eerschte Romaan mit em Titel Der Kreis des Weberknechts erschiine. S Buech handlet vum sälbschtverchindetet Misanthroop Karl Lipitsch, wu si vor dr Mänschhait an e främde Oort zruggzooge het un an eme „allumfassende“ filosoofische Wäärch schafft. Dur Zuefall, villicht, leert er d Mathilde chänne, wu dr Aisiidler „mit seinen unangenehm charaktermännlichen Rechthabereien“[4] in iiri Wält yyneziet un doderby syni Ibewrzyygige un syni Sälbschtkuntroll ufbricht. Dr Falter het gurdailt: „[Marwans] Schilderung, wie sich der grantige Mansplainer [...] von seiner vifen Nachbarin Mathilde umgarnen lässt, [entfaltet] fein gesponnenen Witz. Metaphorisch und biologisch ist freilich bei all dem Einwickeln und Spinnweben Obacht geboten: Die titelgebende Familie der Weberknechte kann keine Netze knüpfen. Das ändert nichts daran, dass Marwans Debüt bestens gelungen ist.“[5]

Ihr zweet Romaan mit em Titel Zabubljena (weertli: Verloore) isch 2021 im renommierte Verlaag Beletrina in sloweenischer Sprooch erschiine. D Protagonischti Rita, wu – entwäder as Aagstellti oder Paziänti – in ere „Aastalt“ isch, verbringt ire Lääbe mit dr gwissehafte Vivisekzioon vum Herr Jež, wu s bal ufgit, si gege di intänsiiv Bschauig z weere. Was irem Aug entgoot, wird vu dr Fantasy uusgfillt, un bal isch d Verfläächtig vu dr Persoone eso äng, ass es schwiirig wird, si z unterschaide. Dr Romaan isch in dr Präss positiiv bsproche woore. D Veronika Šoster het in dr Zytschrift Bukla gschriibe: „S isch e chiene, uukonvänzionälle Romaan, wu uf d Verfaare vu dr Boschtmodäärni retuurschaut, si aber uf ganz aigeni Aart verdrillt [...] Drotz syre speerige Handlig isch dr Romaan e subtiili Stuudie iber Haltige un Gwoonete, Winsch un Reii - alles, was uns zue Mänsche macht.“[6]

Anne 2022 het d Ana Marwan uf Yylaadig vum Juuroor Klaus Kastberger an dr 46. Dääg vu dr dytsche Literatuur z Klagenfurt dailgnuu. Deert isch si fir ire Proosatäxt Wechselkröte mit em Ingeborg-Bachmann-Bryys uuszaichnet woore.[2]

Si läbt im nidereschtrychische Wolfsthal.

Uuszaichnige

  • 2008 Exiil-Literatuurbryys „Schreiben zwischen den Kulturen“ (fir Deutsch nicht ohne Mühe)
  • 2019 S Debüt – Bloggerbryys fir Literatur (Nominierig uf dr Shortlist; mit Der Kreis des Weberknechts)
  • 2022 Kritiško sito (Nominierig fir dr sloweenische Kritikerbryys; mit Zabubljena)
  • 2022 Ingeborg-Bachmann-Bryys (fir Wechselkröte)[7]

Uusglääseni Publikazioone

  • Deutsch nicht ohne Mühe. In: Christa Sipplinger (Hrsg.), Preistexte 08. Das Buch zu den Exil-Literaturpreisen Schreiben zwischen den Kulturen, Edition Exil, Wien 2008. ISBN 978-3-901899-30-0
  • Der Kreis des Weberknechts, Otto Müller Verlag, Salzburg 2019. ISBN 978-3-7013-1271-9
  • Zabubljena, Beletrina, Ljubljana 2021. ISBN 978-961-284-733-3
  • Reise nach K. In: Helmut Neundlinger (Hrsg.): Hier ist Literatur! Reisen zu literarischen Erinnerungsorten in Niederösterreich, Literaturedition Niederösterreich, St. Pölten 2022. ISBN 978-3-902717-65-8

Fueßnote

  1. ↑ Ana Marwan „Der Kreis des Weberknechts“, Otto Müller, literaturblatt.ch.
  2. 1 2 Ana Marwan, Bachmannpreis.
  3. ↑ AutorInnen gesucht - der Verein Exil kürt neue Talente, Der Standard, 30. Mai 2008.
  4. ↑ Jung, weiblich, österreichisch, Der Standard, 25. Oktober 2019.
  5. ↑ Dominika Meindl, Falter 36/2019, 6. Septämber 2019, S. 32.
  6. ↑ Veronika Šoster, Zabubljena, Bukla 160, Mai/Juni 2021, S. 4.
  7. ↑ Ana Marwan erhält den Bachmannpreis. Der Spiegel, 26. Juni 2022, abgruefen am 26. Juni 2022.
Dä Artikel basiert uff ere fräie Übersetzig vu dere Version vum Artikel „Ana_Marwan“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.