di älteschti erhalteni Hüüsergruppe z Meiebärg mit em ehemolige Amtshuus in de Mitti
d Rücksite vo de Hüüsergruppe

S Amtshuus Meiebärg isch de Verwaltigssitz vom Amt Meiebärg im ehemolige Schtädtli Meiebärg gsi, wo hüt zu de Gmeind Seis ghört. S Huus isch im Johr 1359 bauet worde und stoht hüt unter Denkmalschutz.

D Bemolig vo de Schtänderfassade uf de Vordersiite vom Huus schtammt us em Johr 1765. S Original wird hüt im Schwiizerische Landesmuseum ufbewahrt, am Huus isch e Kopii aabrocht. Uf de Rücksiite vom Huus isch kein Verputz, so cha ma d Muurtechnik gseh, in der s Huus bauet isch.

Näb em Huusiigang isch hüt noch de Schandpfahl z gseh, es Zeiche für Nidergricht, wo bis ins 1798i, solang wis s Amt Meiebärg gäh het, hiir usgüebt worde-n-isch.

Literatur

  • Pfarramt Sins und Gerechtigkeitsverein Meienberg (Hrsg.): Meienberg im Freiamt und seine Eligius-Kapelle
 Commons: Amtshuus Meiebärg – Sammlig vo Multimediadateie
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.