Aipytos (Sohn des Kresphontes)

De Aipytos (altgriech. Αἴπυτος, „Hööche“) isch i de griechische Mythologi e König vo Messenie. Sini Noofaare sind sind Aipytide gnennt wore.

De Aipytos isch de Soo vom Kresphontes und vo de Merope, de Töchter vom arkadische König Kypselos.

Nochdem de Polyphontes de Kresphontes umbroocht hett, hett d Merope de Aipytos uf Arkadie broocht, woner uufgwachsen isch. As junge Maa isch er uf Messenie choo, het siin Vatter grächt und isch König vo Messenie wore. Si Soo isch de Glaukos gsii.

Quelle

Apollodor: Bibliotheke 2.8.5.4-6.
Pausanias: Raise z Griecheland 4.3.6; 8.5.7

Literatur

Fritz Graf: Aipytos. In: Der Neue Pauly (DNP). Band 1, Metzler, Stuttgart 1996, ISBN 3-476-01471-1, Sp. 346.
Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Aipytos, S. 31f.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.