D Aditiyas (Sanskrit: आदित्य, Āditiya m. Sg.) sind im Hinduismus e Gruppe vo Götter. Si sind d Chind vo de Göttin Aditi und wachet öber Ethik und Moral. Si hasset Luug und Truug und bistroofet Sünder. Eri Aazaal isch nöd festglait. Di wichtigste sind:

  • Varuna, de Aafüerer vo de Adityas.
  • Mitra
  • Aryaman
  • Bhaga
  • Vishnu
  • Daksha
  • Amsha
  • Savitar
  • Martanda

Im jüngere Hinduismus isch d Aazaal vo de Adityas uf zwölf erhööt wore und jede isch emene Monet zuegschribe wore. De Raie no sind da: Dhatar, Aryaman, Mitra, Varuna, Indra, Vivasvat, Pushan, Parjanya, Amshu, Bhaga, Tvashtar, Vishnu.

Well de Mitra und de Savitar mitem Sunegott Surya verschmolze sind, zällt au de zu de Aditiya und werd sogär mitem Metronym Aditiya agsproche.

Büecher

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.