Politik

• 17. April: Nordamerikanischi Kolonie: D Franzoose verdriibe die britische Drubbe us dr Gegend vom hütige Pittsburgh (Pennsylvania) und baue dört s Fort Duquesne.
• 29. Mai: Mit em Gfächt vo Jumonville Glen foot dr Franzoose- und Indianerchrieg in Nordamerika aa.
• 19. Juni–11. Juli: Kongress vo Albany (Nöi York): Verhandlige über s Verheltnis vo de britische Kolonie zu de indianische Stämm und zu de Franzoose, dr erst Versuech e Unionsverdraag abzschliesse.
• In Indie goot dr Zwäit Karnataka-Chrieg zwüsche Groossbritannie und Frankriich z Änd mit ere Niiderlaag vo de Franzoose. Im franzöösisch Oberbefäälshaber Joseph François Dupleix wird befoole zrugg uf Frankriich z goo.

Historischi Charte und Aasichte

D Kolonisierig vo dr Wält dur Öiropa 1754

Wüsseschaft

• 6. Mai: D Dorothea Christiane Erxleben bestoot iiri Dokterbrüefig und wird as ersti bromowierti Frau au die ersti Ärztin in Dütschland.
• Dr John Canton entdeckt zämme mit em Johan Carl Wilcke die elektrischi Influänz.
• Dr Joseph Black entdeckt s Chooledioxid.
• D Columbia-Uniwersidäät z Nöi York wird gründet.
• Die Diplomatischi Akademii Wien wird vo dr Maria Theresia gründet.

Kultur

• 23. Oktober: Uruffüerig vo dr Opere Anacréon vom Jean-Philippe Rameau in Fontainebleau.
• 10. Novämber: Uruffüerig vom musikalische Drama L'Issipile vom Ignaz Holzbauer z Mannheim.
• Gründig vom Herzog Anton Ulrich-Museum z Braunschweig
• Die Kööniglich Dänischi Kunstakademii wird gründet.
• Dr Moses Mendelsohn drifft zum erste Mol dr Gotthold Ephraim Lessing.
• Dr 64. und letscht Band vom Zedlers Universal-Lexion erschiint.