Politik

• 20. Juli; E franzöösischi Flotte foot Tripolis afo bombardiere und zerstöört die nordafrikanischi Korsarestadt fast vollständig.
• 20. August: Dr Dään Vitus Bering entdeggt en Insle zwüsche Russland und Alaska, und git ere zu Eere vom Daageshäilige dr Naame Sankt-Lorenz-Insle.
• 23.Dezämber: Im ghäime Berliner Verdraag zwüschen em Köönig Friedrich Wilhelm I. und em dütsche Kaiser Karl VI. git Pröisse si antiööstriichischi Politik uf, drfüür anerkennt dr Kaiser die pröissische Aasprüch uf s Herzogdum Bärg.

Wirtschaft

• 25. Mai: Dr Ludwig XV. erlaubt de Franzoose im ene Dekreet, ass si Wii nit nume in Fässer sondern au in Fläsche döfe dransportiere. Dä Erlass isch d Grundlaag für s Ufblüeje vom Champagnerhuus Ruinart z Reims.

Wüsseschaft und Technik

S John Bartram House

• Dr Quäker John Bartram läit z Philadelphia dr eltist Botanischi Garde z Nordamerika aa.

Kultur

• 29. Jänner: D Ballad Opera The Beggar’s Opera vom John Gay (Teggst) und Johann Christoph Pepusch (Muusig) wird am Lincoln’s Inn Theatre z London urufgfüert.
• 17. Februar: D Opere Siroe vom Georg Friedrich Händel mit eme Libretto vom Pietro Metastasio wird z London rufgfüert.
• 24. Septämber: D Opere The Quaker's Opera vom Henry Carey wird z London urufgfüert.
• Die ersti vollständigi Übersetzig vo dr Bible uf Sorbisch chunnt uuse.
• S Captivity narrative vo dr Elizabeth Hanson erschiint.

Katastroofe

• 31. August: Groossbrand z Schwäbisch Hall

Charte vo Kopehaage noch em Brand, d Stadtdäil, wo abbrennt si, in gääl

• 20.-23. Oktober: Groossbrand z Kopehaage