Ängland / Irland

Irischi Konföderazionschrieg, d Zruckeroberig vo Irlands (1649–1653)

• 1. Januar: Dr Karl II. wird zum Köönig vo Schottland kröönt.
• Juni bis Oktober: D Drubbe vom Parlamänt eroobere Limerick.
• Juli: D Drubbe vom änglische Parlamänt schlöön die Konföderierte Drubbe under em Donagh MacCarthy in dr Schlacht vo Knocknaclashy.

Galway 1651

• August: D Belaagerig vo Galway foot aa.
• 25. August: D New Model Army under em Oberst Robert Lilburne schloot d Rozaliste in dr Schlacht vo Wigan Lane.

Schlacht vo Worcester, Chupferstich, 1810

• 3. Septämber: D New Model Army under em Oliver Cromwell schloot d Drubbe vom nöije Köönig Karl II. in dr Schlacht vo Worcester. Dr Köönig goot ins Exil.
• 1. Dezämber: Die änglischi Navigazioonsakte reguliert d Schifffaart und dr Seehandel, was dr Ufstiig vo Ängland zur füerende See- und Handelsmacht mööglig macht.

Frankriich

• 6. Februar: Dr Jules Mazarin flüchdet vor dr Fronde us Bariis.
• Dr Louis XIV. wird für volljeerig erkläärt.

Pole-Litaue

• 28. Juni bis 30. Juni: In dr Schlacht bi Beresteczko besigt d Aadelsrepublik Pole-Litaue en Armee vo Saporoger Kosake und Tatare. Dr Chmelnyzkyj-Ufstand bricht zämme.

Häiligs Römischs Riich

• 27. Septämber: Dr Ferdinand Maria folgt sim Vater Maximilian I. uf em bayrische Droon.

Japan

• Dr zääjöörigi Tokugawa Ietsuna wird noch em Dood vom Tokugawa Iemitsu dr 4. Shōgun z Japan. Im Keian-Ufstand wo denn usbricht, brobiere Samurai ooni Heere under dr Füerig vom Yui Shōsetsu und Marubashi Chūya d Tokugawa-Shogune z stürze.