1534

1534
Dr Martin Luther losst di erscht vollständig Fassig vu syre Lutherbibel drucke.

1534 in andere Kaländer
Ab urbe condita	2287
Armenische Kaländer	982–983
Ethiopische Kaländer	1526–1527
Buddhistische Kaländer	2078
Chinesische Kaländer
– Ära	4230–4231 oder 4170–4171
– 60-Joor-Ziklus	Wasser-Schlange (癸巳, 30)– Holz-Ross (甲午, 31)
Hebräische Kaländer	5294–5295
Islamische Kaländer	940–941
Thai-Solar-Kaländer	2077

Was isch bassiert?

20. April: Dr franzesisch Seefahrer Jacques Cartier startet vu Saint-Malo uus zuen ere Entdeckigsrais mit em Ufdrag bi Neifundland Fischgrind z sueche. Statt däm findet er Biet, wu speter Neifrankrych wäre. Am 6. Juli chunnt er in d Baie des Chaleurs, wu s zue erschte Kontakt mit em Algonkin-Volk vu dr Mi'kmaq chunnt. Am 24. Juli chunnt er zue dr Mindig vum Sankt-Lorenz-Strom.
13. Mai: In dr Schlacht bi Lauffen sigt dr proteschtantisch Landgrof Philipp I. vu Hessen iber d Habsburger. Är verschafft dodermit em 1519 verdribene Herzog Ulrich wider d Macht iber Wirttebärg. Dr Ulrich fiert z Wirttebärg derno d Reformation yy.
15. Augschte: D Societas Jesu wird grindet.
13. Oktober: Noch em Dod vum Clemens VII. wehlt s Konklave dr Alessandro Farnese zum Papscht vu dr Remisch-katholische Chilche. Är git si dr Name Paul III. git.
Dr 1488 grindet Schwäbisch Bund bricht an konfessionälle Gegesätz ussenander.
Dr Martin Luther losst di erscht vollständig Fassig vu syre Lutherbibel drucke.
Mesopotamie wird vum Osmanische Rych bsetzt. Am 4. Dezämber erobere Druppe vum Süleyman I. d Stadt Bagdad.

Commons: 1534 – Sammlig vo Multimediadateie

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.