Sulawesi meyalo Pulau Sulawesi (bahasa Enggeleti; Celebes) tuwewu lo pulau to wilayah lo Indonesia. Pulau botiye dudutu liyo to wolota lo pulau Kalimantan wawu kepulauan Maluku. Tanggalo pulau Sulawesi 174.600 kmĀ², u damango ke 11 to dunia. To Indonesia, bo pulau Kalimantan, Sumatra wawu Papua u lebe damango lo pulau Sulawesi.

Etimologi

Tanggula "Sulawesi" hekiraliyo lonto bahasa-bahasa to Sulawesi Tengah de'uyito tahe "Sula" ma'analiyo "nusa" meyalo "pulau" wawu tahe "mesi" ma'analiyo "wuwate", merujuk to ta hepodahangiya lo bijih besi hasili lo tambang-tambang to Danau Matano, membidu Sorowako, Luwu Timur. Tawu lo Portugis ta yilona'omayi to abad 14-15 ta bohuliyo lopomake lotanggula "Celebes" u hepolangguliyo to pulau Sulawesi.

Geografi

Sulawesi botiye pulau damango opatiyo to Indonesia totibawa lo Papua, Kalimantan wawu Sumatera. Bentuk lo pulau botiye odelo hurupu "K" tihu-tihula hahayalo monto tilayo ode huliyaliyo, wawu totolu lo madala u lonu-lonuhu ode timuru, timuru laut wawu tenggara. Pulau botiye sipatanaliyo Selat Makassar to otolopa u lo'opontolo wolo pulau Kalimantan, to timuru bilu'a lo deheto Maluku lonto kepulauan Maluku. To tilayo woluwo deheto Sulawesi lo'opontolo wolo Philipina wawu to huliyaliyo woluwo deheto Jawa u malo'obu'a wolo pulau Jawa wawu Bali.

Sejara

Mulai abad 13 ma woluwo sumber mineral u ma yilowali bungo lopopehu lodahangi monto lipu-lipuwalo. Tawu lo Eropa ta bungaliyo yiledungga pelaut lo Portugis to tawunu 1525, yilawo lonto Maluku mololohu hulawa teeye.

Tayadu lipu

Pulau Sulawesi ma taya-tayade 6 (wolomo) lo provinsi:

  1. Provinsi Sulaswei Utara
  2. Provinsi Gorontalo
  3. Provinsi Sulawesi Tengah
  4. Provinsi Sulawesi Selatan
  5. Provinsi Sulawesi Barat
  6. Provinsi Sulawesi Tenggara
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.