Zheng He

Zheng He (chinañe'ẽ mba'eteéva: 鄭和, chinañe'ẽ mombykypyre: 郑和, oje'eháicha: Zhèng Hé, Wade-Giles: Cheng Ho) (1371-1433) ha'e akue upe yguasúre oikundahavéva Chína rembiasakue pukukuévo, ha upe tuichavéva Ásia pegua, upéicha avei oiko akue ygarata aty tuichavéva ruvicha ramo yvy ape ári oiko peve Ñorairõ Guasu Peteĩha.[1] Zheng He, ojeikuaáva ichupe avei Ma Sanbao ramo, ha'e akue peteĩ eunúko milíko (mburuvichavete rembiguái), ygapóra ha ýre oikundaháva Chinagua ha musulmã, ojeikuaaite ichupe ohohague mombyryite 7 jey yguasu rupive, ary 1405 ha 1433 apytépe, Ming ñemoñanga oñepyrũmikuévo. Hembiapokue rupive, ikatu jaikuaa ha hesakãmba ñandéve mba'éichapa oiko Chína yvyapekuaa upe jave ha mba'éichapa oñemoporãve.

Zheng He
Hetã	Ming ñemoñanga
Otros nombres	Ma Sanbao, Cheng Ho
Etnia	Etnia hui
Hembiapo	Y rupi oikundaháva
Años	1405-1433
Empleador	Yongle, Hongxi, Xuande
Jokuaikuaa rape	Islã
Itúva ha isy	Ma Hajji (túva) Weng (sy)
[editar datos en Wikidata]

Oikundaha aja, oñepyrũ rire táva Nankín-me, Zheng He oho Ñembykuarahyresẽ Ásia, Indonésia, Seilãu (ko'ãga hérava Sri Lánka), Índia, parapyte Péysia pegua, Arávia ha Áfrika rembe'y kuarahyresẽyguápe amo Mosambíke peve, upéicha ohasa 37 tetã rupive.[2]

Ikundaha rupive oheka ha ohupytyse va'ekue tojeikuaa hag̃ua oparupi Chína pokatu ha mba'eheta, ohechaukaségui opavavépe hetã ituichaitehague; avei omoĩse hetã poguýpe umi tape y rupi ojeiporuvéva oñeñemúvo ha ojoajúva Chína umi tetã ambuévare.[3] Hembiapo rupive, Chína ha tetãnguéra ambuéva oñomongeta ha ojokupyty porãve arandupýpe ha mba'ejoguápe. Noñemomba'éi yvýre ha ndojapói Chína kolóniarã, ndaipórigui hetãme ko tembipota ohekaséva yvy pyahu mombyryitéva.[4] Jepémo, tuichamba'e Chíname guarã ko'ã Zheng He kundaha.