Yvy Ára

22 jasyrundy niko Yvy Ára ha kóva hína hembiasakue pehẽnguemi. Upeichaite, ko 2010-pe oñemboty 40 ary Yvy Ára heñoihague. Upéicha avei kóva ha'e ary peteĩha oñemomorãháme Yvy Ñande Sy Ára, omboajéva'ekue ONU ary 2009-pe, ogueromandu'ávo opaite yvypórape tekotevẽha oñangareko ha hakate'ỹ opaite temimoĩngue oikovéva hendive ko yvýpe.

Pe mba'ejerure (Yvy Ñande Sy Ára) omog̃uahẽva'ekue 2009-pe, Bolivia Retã ruvicha Evo Morales, ONU Amandaje Guasúpe; ijatyhápe 192 tetã, omoneíva'ekue pe Yvy Ñande Sy Ára; ikatuhag̃uáicha ñavõ ary opavave tetã ohesa'ỹijo mavamávapa umi apañuãi ombyaíva Yvy Ñande Sy rekove.

Pe omoheñoiva'ekue Yvy Ára niko EEUU amandajehára Gaylord Nelson, oipotáva opavave ojesareko ko'ã apañuãi rehe: tekohatyaiha, tekove'etaita ñeñangareko ha ambue jepy'apy tekohaguigua tekotevẽva jahechakuaa ñañangarekoporãsérõ yvy rehe. Ára 22 jasyrundy 1970-pe, 20 sua Estados Unidos-ygua, oñemomba'e tape, atyrã ha atyhakotykuéra rehe ojerurévo peteĩ tekoha potĩ ha hekove arévare. Pe mba'ejerure guasuete ojejapo rire, EEUU omoheñóikuri Tekoha Ñangarekoha Renda ha heseve heta léi tekoha ñeñangareko rehegua.

Enlaces
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.