Ravel

Ravel térã mbaraka'ipu'asy ha'e peteĩ tembipu isã rupi oñembopúva oñembohasávo hese peteĩ yvyra'i karapã.[1] Irundy isã jepivénte oñemboguata ipu ko'ã nóta rupive: Sol, Re, La ha Mi.[2] Ojeagarra va'erã ko ravel ñande ati'y asu ha ñande rañykãpy rupive, oñembopu jajopývo isã ñande po asu rupive jaipurúvo ñande po akatúa ñambohasa hag̃ua hese upe yvyra'i karapã.

Peteĩ ravel ha upe yvyra'i karapã ñembopúpe ojeiporúva.

Hyapu hasẽngy asymi, ha'e imichĩvéva umi tembipu isã rupi oñembopúva apytépe ha hyapu yvatevéva. Ojeiporuite pupoty árave ha Europaguáva, ko pahápe tuichaitépe ojehecha mbopuvaaty ha ópera apytépe. Karai Gasparo da Salò omoheñóiraẽ ravel, kóva ha'e va'ekue peteĩ Italiaguáva heñói va'ekue 1540-pe ha omano 1609-pe.[3] Amo 200 ary pukukuévo, ravel kate apo ojejuhu mbohapy ogaygua pópe táva Cremona pegua: Amati, Guarneri ha Stradivarius (umi hepyvéva).

Mandu'apy
  1. Adams, John S. (1865). Adams' New Musical Dictionary of Fifteen Thousand Technical Words, Phrases, Abbreviations, Initials, and Signs Employed in Musical and Rhythmical Art p. 252. S. T. Gordon and Son. Retrieved on 27 March 2010
  2. "About the Violin." Nuoroda tikrinta 27 March 2010.
  3. «Dicionário de termos e expressões da música».
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.