Michelangelo

Michelangelo Buonarroti (Caprese, 6 jasyapy 1475-Rróma, 18 jasykõi 1564), ojeheróva karaiñe'ẽme Miguel Ángel, ha'ekue peteĩ jogapokuaahára, pandára, moha'angahára ha ñe'ẽpapára Itália pegua upe Renacimiento ára pukukuégui, herakuãitéva yvy ape ári peteĩ tembiapoporã apohára mba'eguasuitéva ramo taha'e ha'éva umi ta'anga ojapokuaáva itápe térã umi óga iporãjepéva omopu'ãukáva.[1] Omba'apo amo 70 ary pukukuévo táva Florénsia ha Rróma, ko'ã távape oiko va'ekue umi ohepyme'ẽva chupe, ñemoñare Médici Florénsia pegua ha umi pa'i guasu Rrómame.

Michelangelo
Hetã no
Etnia italianos
Alma máter Universidad de Florencia
Hembiapo Jogapokuaahára, pandára, moha'angahára ha ñe'ẽpapára
Jokuaikuaa rape katóliko
Omendáva sin valor
Mendarã no
[editar datos en Wikidata]

Michelangelo añoite kuri pe tembiapoporã apohára Yvy kuarahyreikeguápe ohecháva oikove aja oñemonguatiávo mokõi arandukápe hekove rembiasa: Le vite de' più eccellenti pittori, scultori e architettori, ohai Giorgio Vasari, oikuaauka 1550 jave, ha Michelangelo añoite pe oikovéva gueteri umi oñemombe'úva apytépe,[2] ha Vita de Michelangelo Buonarroti, ohai 1553 jave Ascanio Condivi, moha'angahára ha Michelangelo remimbo'e.[3] Umi ijaveguáva heta omomba'eguasu chupe ha ombohéra hikuái chupeDivino (he'iséva 'orekóva Ñandejára reko').[4] Benedetto Varchi, ára 12 jasykõi 1560, omondo chupe peteĩ kuatiañe'ẽ opa umi Florénsia tavaygua rérape he'íva:

... ko táva tuichakue rohechase asyite ha romomba'ese taha'e ha'éva oreaguĩ térã oremombyry... Ndénteko orepytyvõ porãiténe remomba'eguasúvo ne retã rejusemo'ã ore rendápe.

Ikatupyry verajepéva opa hembiapokuépe, akóinte oheka pe iporãvéva.[lower-alpha 1] Umi itápe ñemoha'anga, ha'ete voi he'i, pe tembiapo ohayhuvéva ha pe oñepyrũhápe oñembokatupyry; upe rire, ñemoha'anga ha ñembosa'y, ha'ete haimete peteĩ tembiapouka ojapo pápa Julio II, ha ipahápe oiko chugui tembiapo iporã veráva, Kapílla Sixtina ape; ha hekove pahápe, omba'apo óga guasu ñepu'ã aponde'ápe. Hembiapokue hetaitéva, ko ára peve opyta 40 térã 50 ta'anga itápe, 4 ñemoha'anga, heta ta'anga kuatiápe ha umi ñembosa'y Kapílla Sixtina ha Kapílla Paulina-pe.

Hembiapokue
  • Madonna
    Madonna
  • Leda
    Leda
  • Pietà Rondanini
    Pietà Rondanini
  • Ganymede, copia de 1532.
    Ganymede, copia de 1532.
  • Madonna
    Madonna

Marandu'i
  1. Ohecháramo michĩmi ivaihague peteĩ hembiapo vorekue, he'íta kuri hese isarambipaha; cf. Dr. Stanley, B. M.; Dr. Shek, R. (2006). California Social Studies - World History: Medieval to Early Modern Times. Holt, Rinehart & Winston.

Mandu'apy
  1. «Web Gallery of Art, image collection, virtual museum, searchable database of European fine arts (1100–1850)». www.wga.hu. Ojehechákuri árape: 13 de junio de 2008.
  2. Michelangelo (2008). Encyclopædia Britannica. Ultimate Reference Suite.
  3. Rubiés, 2001, p. 6.
  4. Jacobs, Fredrika (septiembre de 2002), «assembling: Marsyas, Michelangelo, and the Accademia del Disegno - Dis», The Art Bulletin: 22..
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.