Kuaarape

Kuaarape térã lógica ha'e jepy'amongeta rembikuaa. Kuaarape rekorãnguéra ohechauka umi arandupykuaatýre oñemoarandúvape mba'éichapa ojepy'amongeta va'erã añetegua rekópe, upéicha kuaarape ñanepytyvõ jaikuaa hag̃ua tesakãme mba'épa iñañetéva térã ijapúva.[1]

Aristóteles ha'e akue karai arandu peteĩha ohai va'ekue kuaarape rehegua.

Kuaarape oñemboguata silogismo rupive, kóva ko kuaarape rechaukaha. Peteĩ silogismo ijapopyre heta marandúgui, umíva ojeipuru ohechauka hag̃ua tesakã porãme iñañeteha pe marandu pahague. Techapyrã herakuãva jahecha hag̃ua mba'éichapa umi silogismo ojapo va'ekue karai arandu Aristóteles:

  1. Mayma yvypóra omanótava.
  2. Socrates ha'e yvypóra.
  3. Upéicha, Socrates omanótava.

Marandu pahague oguenohẽ umi marandu ambuévagui, upéicha ojeikuaa "Sócrates omanotaha".

Kuaarape ñepyrũ ojehecha amo Ára Ymaguare pukukuévo, Chína, Índia ha Gyrésiape. Upe guive ojeipuru arandupykuaatýpe, hákatu saro'y XX jave oike papapykuaápe.

Ko ñe'ẽ «lógica» ou Gyresiañe'ẽgui λογική logikḗ, he'iséva «iñarandúva» ha upe katu ou λόγος (lógos)-gui, he'iséva «ñe'ẽ, jepy'amongeta, ñeimo'ã».[2][3] Oje'évo peteĩ mba'e ha'eha lógico, he'ise "hesakãha, iñañeteha ojepy'amongetávo hese".

Mandu'apy
  1. Corazón González, Rafael. Saber, entender... vivir: una aproximación a la filosofía. pp. 74-77. https://books.google.es/books?id=Cf2DLcvVmK4C.
  2. Liddell, Henry George, and Robert Scott. 1940. "Logikos." A Greek–English Lexicon, edited by H. S. Jones with R. McKenzie. Oxford: Clarendon Press. – via Perseus Project. Retrieved 9 May 2020.
  3. Harper, Douglas. 2020 [2001]. "logic (n.)." Online Etymology Dictionary. Retrieved 9 May 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.