Isabel II Tavetã Joaju pegua

Isabel II Tavetã Joaju pegua (Elizabeth Alexandra Mary Windsor; Londye, 21 jasyrundy ary 1926 - 8 jasyporundy ary 2022)[nota 1] ha'e hína Vyretáña mburuvichavete, ha upévare, umi tetã hekosãsóva oiko Tetãnguéra Ñembojoajúpe imburuvichavete avei: Tavetã Joaju, Kanatã, Autaralia, Selánda Pyahu, Hamáika, Varvado, Va'ama, Gyranáta, Papúa Gynéa Pyahu, Ypa'ũnguéra Salomõ, Tuválu, Santa Lucía, San Vicente ha Granadinas, Mbelise, Antigua ha Barbuda ha San Cristóbal ha Nieves.

Isabel II Tavetã Joaju pegua
Tavatã Joaju Mburuvichavete ha umi Tavetã ambuéva
oĩva Tetãnguéra Ñembojoajúpe

Isabel II jasyapy ary 2015-pe
Hekove rehegua
Héra tee Isabel Alejandra María Windsor (ingyaterrañe'ẽme: Elizabeth Alexandra Mary Windsor)
Oiko mburuvichavete ramo 6 jasykõi ary 1952 guive
Ára oñemyakãngorã 2 jasypoteĩ ary 1953-pe
Heñói ára 21 jasyrundy ary 1926-pe
Londye, Ingyaterra, Tavetã Joaju
Momorãhéi God Save the Queen
Jeroviapy Anglicana
Hekoha Palacio de Buckingham
Mboyve Jorge VI
Hogaygua
Hóga oporokuáiva Windsor róga
Itúva Jorge VI Tavetã Joaju pegua
Isy Isabel Bowes-Lyon
Omendáva Felipe, ndúke Endimbúgo pegua
Hembireja jára Carlos, Gales ruvicha


Isabel II Tavetã Joaju pegua Ha'anga'i tee

[editar datos en Wikidata]

Ha'e hína tekove oporokuaikuaáva herakuãvéva ha imba'eguasuitéva umi 53 tetãnguéra rehe oĩva Tetãnguéra Ñembojoajúpe. Tavetã Joajúpe, ha'e hína avei mburuvicha guasu Ingyatérra Tupão pegua. Heta omba'apo porokuái rehe, omba'apo va'erã avei Léi guasúre ha ha'e hína hetã heko joaju hechaukaha tee, oporombuekovia hetãyguakuéra umi tetãnguéra ambuéva renondépe.[1]

Heñói táva Londye-pe, umi ndukekuéra York pegua iñemoñare (ha upéi ojeikuaa chupekuéra umi mburuvichavete Jorge VI ha Isabel ramo) ha oñemoarandu hógape. Itúva ohupi ary 1936-pe oporokuái hag̃ua ipehẽngue, Eduardo VIII, ojeívo rire. Isabel II oñepyrũ omomba'apo hetã mba'ekuéra oiko aja upe Ñorairõ Guasu Mokõiha, oipytyvõvo ñorairõha atýpe kuñápe guarã. Itúva omanóvo amo ary 1952-pe, oiko mburuvicha ramo Tetãnguéra Ñembojoajúpe ha mburuvichavete ramo umi pokõi tetãnguera hekosãsóva-pe, oikóva avei ku Ñembojoajúpe: Tavetã Jojau, Kanatã, Autarália, Selánda Pyahu, Yvyafrika, Pakistán ha Seilã. Hi'ára oñemyakãngorã ary 1953-pe ha'e akue arete oñemyakãngorã peteĩha ojehasa ta'angambyrýpe.[2] Ary 1956 ha 1992 mbytépe, umi hetãnguéra hekosãso'ỹ ipoguýpe imbytekue oheka ha ohupyty tekosãso, umíva mbytépe oĩ Yvyafrika, Pakistán ha Seilã (hérava ko'ãga Sri Lanka).

Ary 1947 omenda mburuvichavete ra'y Felipe Gyrésia ha Ndinamáka pegua rehe, ha imemby irundy: Carlos, Ana, Andrés ha Eduardo.

Ary 2007 guive ha'e mburuvichavete oikove arevéva opa Vyretáña rembiasakuépe ohasávo ijarýi joapy, mburuvichavete Victoria,[3] ha ko'ãga ha'e hína tekove tujavéva oisãmbyhýva tetã, ha ary 2015 guive ha'e mburuvichavete Vyretáña pegua oisãmbyhy arevéva.[4]

Kuatia'i
  1. Ehecha avei Kuña mburuvicha hi'aramboty tee ingyaterrañe'ẽme

Mandu'apy
  1. Enciclopedia Universal Clarín del Estudiante, p. 644.
  2. «50 facts about The Queen's Coronation» (en inglés). Royal Household (25 de mayo de 2003). Ojehechákuri árape: 14 de abril de 2011.
  3. «Archive copy». Archivado desde el original, el 2016-08-14. Ojehechákuri árape: 2017-12-11.
  4. (En inglés.) «Queen Elizabeth II becomes longest-reigning UK monarch.» BBC News. Consultado el 30 de marzo de 2016.

Aranduka purupyre
  • Bond, Jennie (2006). Elizabeth: Eighty Glorious Years. Londres: Carlton Publishing Group. ISBN 1-84442-260-7
  • Bousfield, Arthur; Toffoli, Gary (2002). Fifty Years the Queen. Toronto: Dundurn Press. ISBN 1-55002-360-8

Joaju
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.