ASEAN

ASEAN (Oúva ingleñe'ẽgui: Association of Southeast Asian Nations, he'iséva: Ñembykuarahyresẽ Ásia Retãnguéra Joaty) ha'e peteĩ atyvete orekóva heta tetã ñesãmbyhy Ñembykuarahyresẽ Ásia pegua ojejapo ára 8 jasypoapy ary 1967 oñembojoajukuévo po tetã: Tailándia, Indonésia, Malásia, Singapúra ha Filipína. Ko'ágã ko atýpe oĩ 10 tetã ojejuhúva Ásia vorekue ñemby kuarahyresẽyguápe: Miama, Mburunéi, Kambója, Filipína, Indonésia, Láo, Malásia, Singapúra, Tailándia ha Vienã.

ASEAN retãnguéra yvy ra'anga.

ASEAN retãnguérape oĩ amo 646 sua tekove ha PIB orekóva ary ha ary ohupyty amo 2,45 suakõi éuro,[1] jepémo oĩ he'íva PIB orekóva ohupytýne 5,7 suakõi dólar.[2]

Umi mba'e ASEAN ohupytyséva niko: ombopya'e tokakuaave virurekokuaa ha toiko py'aguapy ha sarambi'ỹ hekohápe.

Mandu'apy
  1. «ANSA - Asociación de Naciones del Sudeste Asiático 2018». Ojehechákuri árape: 18 de noviembre de 2018. (es)
  2. http://actualidad.rt.com/economia/169816-sudeste-asiatico-zona-bancos-libre
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.