Ára Ko'ãgagua

Ára Ko'ãgagua niko Európa ha tetãnguéra ijykegua rembiasa pukukue oñepyrũ saro'y XV aja, ho'árõguare Constantinopla opávove pe Mburuvi visantíno ary 1453-pe, ha Kiritóval Kolõ oguahẽvo Amérika-pe ary 1492-me,[1] ha opa pe Hyãsia Ñepu'ã oñepyrũvo ary 1789-pe térã upe mboyve, amo ary 1776-me, oikóvo pe Tetãvore Joapykuéra Ñepu'ã, hekosãsóvo Tetãvore Joapykuéra, upe rire ojehecha oikoha pe Mba'aporeko Ñepu'ã, ojehechahápe yvypóra oñepyrũ omba'apove mba'eapopyha rógape ha oipuru heta mákina pyahu ojapo pya'eve mba'eapopy kuéra, upépe niko oñepyrũ Ára Javegua, ko'ãgaite voi oiko.

Ára Ko'ãgagua ñepyrũme, Európa ha Amérika ojoaju, oguahẽ rire umi Europagua Amérikape iñambuepaite tetãnguéra pokatu ha Amérika ypykue avano'õ.

Ñañe'ẽvo mba'éichapa Ára Ko'ãgagua iñambue Ára Mbyteguágui, jahecha oñemoambueháicha avano'õme, mbeguehápe imichĩve ku ohekavéva jeroviapy reko ha hetave ku ohekáva yvypóra reko, tuichaitépe oñepyrũ rire pe Renacimiento, ojehechahápe hetaite mba'e ipyahúva tembikuaatýpe, tembiapoporãnguérape ha avano'õme.

Mandu'apy

  1. Edad media 476-1492 (LibraryThing).

Joajuha


Tenondegua:
Ára Mbytegua
Marandeko
Ára Ko'ãgagua
Riregua:
Ára Javegua
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.