Támesis (Antioquia)

‘S e baile meadhanach agus sgìre-riaghlaidh (Spàinntis municipio) ann an Antioquia, Coloimbia,[1] a th’ ann an Támesis. Tha e suidhichte aig 1,632m os cionn ìre na mara agus 110km air falbh bho Mhedellín, prìomh-bhaile na roinne. Tha teodhachd meadhanach dhe 23˚ aige.[2] Chaidh am baile a stèidheachadh ann an 1858. 'S ann gu math ainmeil 's a tha Támesis air feadh Antioquia o chionn 's gu bheil tèarmann thùsanach ann.

Támesis
Bratach a' bhaile Gearradh-arm
no Seula
Mapa a' bhaile
Sealladh air a' bhaile
Suidheachadh
Dùthaich Coloimbia
Roinn Antioquia
Àirde 1638m
Co-chomharran 05 39' 53' Tuath
75° 42' 52' Iar
Feartan fiosaigeach
Farsaingeachd 245 km²
Àireamh-shluaigh 16,387 (2005)
Dlùths 66.89/km²
Duilleag oifigeil Comhairle a’ Bhaile

Sluagh a' bhaile

Tha 6,488 duine nan tàmh anns a' bhaile fhèin, ach tha 16,387 uile gu lèir a' fuireach ann, a' gabhail a-steach na clachain thall anns na sgìrean dùthchasail am broinn crìochan a' bhaile.[3] Tha fearann na dùthcha sin ga roinn eadar na bailtean (municipios) agus le sin tha gach clachan agus croit fo stiùireadh baile air choireigin.[4] Air adhbharan trioblaidean poilitigeach air an dùthaich, tha a' mhòr-chuid neo mòran nan daoine anns gach uile baile a-nis a' fuireach anns nam bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th' ann a' mhòr-chuid dhe na daoine ann an Támesis, ach tha 0.8% dhe Tùsanaich agus 0.4% dhe daoine le freumhan ann an Afraga. 'S urrainn dhan 85.3% dhe na daoine ann an Támesis leughadh agus sgrìobhadh. A tuilleadh air sin, chan eil fòn aig an taigh ach aig 40.4% nan dachaigh.[5]

Fèisean

Thathar a’ cumail am iomadach seòrsa dhe fhèis ann an Támesis. Chithear fèilltean Caitligeach, leis gur e dùthaich le mòr-chuid Chaitligeach a th’ ann fhathast,[6] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

Clachain
  • Betania
  • Buena Vista
  • Campo Alegre
  • Cartama
  • Cedeno
  • La Florida
  • El Guayabo
  • Líbano
  • La Mesa
  • Palermo
  • La Palmera
  • Pencil
  • San Antonio
  • San Pablo
  • Villa Luz

Iomraidhean
  1. Dùthchannan aig SMO
  2. World Weather
  3. Figearan Oifis a' Chunntas-sluaigh
  4. Colombia Virtual
  5. Bileag fhiosrachaidh DANE
  6. Country Studies: Colombia

Ceanglaichean A-mach

An t-sìde ann an Támesis

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.