Prìosan

'S e togalach neo àite eile far a bhios daoine air an cumail ann an gainntireachd gun shaorsa o chionn 's gu bheil iad air an lagh a bhriseadh neo, ann an cuid a dhùthchannan, air adhbharan poileataigeach a th' ann am prìosan neo gainntir. 'S ann às an fhacal Fraingis prison a tha am facal againne.

Prìosan ann an Alba

Feartan Prìosain

Bidh suidheachadh nam prìosan gu math eadar-dhealaichte bho dhùthaich gu dùthaich, ach seo na feartan nas àbhaistiche a leanas:

  • Daoine cunnartach a chumail air falbh bho chàch.
  • Bac a chur air eucoir.
  • Ath-ionnsachadh a thoirt do eucoirich.
  • Suidheachadh poileataigeach a chumail fo smachd an Riaghaltais.
  • Daoine a chur fo chùram nam Poileas.

Stadastaireachd Eadar-nàiseanta
Àireamhan daoine sa phrìosan airson gach 100,000 sa dhùthaich, 2012

A rèir nam figearan, bha mu 9,5 muillean duine nam Prìosanach air feadh na cruinne ann an 2006.[1] Aig an ìre seo, 's e na Stàitean Aonaichte far a bheil an àireamh as àirde de dhaoine ann an gainntearachd, còrr is 2.19 muillean duine.[2] Ged nach eil ach beagan nas motha na 5% de na daoine san t-saoghal a' fuireach an siud, 's e 0.75% gu 1% dhuibh a tha sa phrìosan.[3] Ann an 2002 bha còrr is muillean duine sna prìosanan anns an Ruis agus Sìona.[4] Thuit na figearan airson na Ruise ann ceann ceithir bliadhna agus bha 869,814 ann an gainntearachd an siud ann an 2006, air neo 611 airson gach 100,000 san dùthaich.[5] Chaidh na figearan seo suas a-rithist ann an 2008 gu 891,738 duine, neo 629 airson gach 100,000 duine san Ruis.[6] Thuit iad a-rithist ann an 2010 gu 862,300 duine, neo 607 prìosanaich airson gach 100,000 duine.[7]

Prìosanaich airson gach 100,000 duine (An Dàmhair 2006)[8]
Stàitean
Aonaichte		An
Ruis		Seallann
Nuadh		BreatainnTìrean
Ìsle		AstràiliaCanadaA'
Ghearmailt		An
Tuirc		An
Fhraing		An
t-Suain		An
Seapan		Na h-
Innseachan
756611186148128126107959185826222

Iomraidhean
  1. World Prison Population
  2. Bureau of Justice
  3. in100: Behind Bars in AmericaTeamplaid:Fix/category
  4. Neue Zürcher Zeitung
  5. World Prison Population
  6. World Prison Population List
  7. ФСИН России
  8. World Prison Population
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.