Meanbh-fhrìde

'S e beathach anns a' chlas Insecta anns an fho-fhine Hexapoda anns an fhine Arthropoda a tha ann am meanbh-fhrìde, mar eisimpleir seilleanan, dealain-dhè, seanganan, daolagan, tairbh-nathrach is deargannan.

Meanbh-fhrìdean

'S e neo-dhruim-altachan a tha ann, le cnàimhneach a-muigh agus corp ann an trì roinnean, stiùirichean, sùilean fillte, agus mar as àbhaist, tha sia casan is dà phaidhir sgiathan aig meanbh-fhrìdean.[1]

Buaidh

Tha meanbh-fhrìdean a' toirt seirbheisean eag-eòlach, mar eisimpleir poileanachadh agus mar phàirtean cudromach ann an sreath-bìdh. Tha iad a' toirt taic ri, mar eisimpleir, gnìomhachas sùibh-chraoibh, as fhiach do dh'eaconomaidh na h-Alba barrachd air £52 millean a h-uile bliadhna.[2]

Seòrsaichean a tha glèidhte ann an Alba

A-rèir Achd nam Fiadh-bheathach agus na Dùthcha 1981 tha na meanbh-fhrìdean a leanas glèidhte, is a h-uile fear san òrdugh Lepidoptera, na dealain-dhè is na leòmannan:[2]

  • Argas-donn tuathach (Aricia artaxerxes)
  • Bùrnaid an New Forest (Zygaena viciae)
  • Dealan-dè nam boglaichean (Euphydryas aurinia)
  • Dealan-dè nan oirean neamhnaideach (Boloria euphrosyne)
  • Dealbhan mòr an fhraoich (Coenonympha tullia)
  • Fàinneag a' mhonaidh (Erebia epiphron)
  • Gorman beag (Cupido minimus)
  • Leumadair breac-bhallach (Carterocephalus palaemon)

Iomraidhean
  1. “Insect Anatomy”. Youth and Entomology. Oilthigh Purdue. Air a thogail 15mh dhen Ghiblean 2020.
  2. “A strategy for Scottish invertebrate conservation”. Initiative for Scottish Invertebrates. Air a thogail 15mh dhen Ghiblean 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.