Lurg Mhòr
'S e beinn ann an Frìth Mhonar air a’ Ghàidhealtachd a th’ ann an Lurg Mhòr. Tha i 986 m de dh’àirde agus ’s e Beinn Rothaich a th' ann. Tha i suidhichte ann an àite air leth iomallach eadar Atadal agus Loch Monar dìreach os cionn Loch Calavie. Thathar ag ràdh gur e aon de na Beanntan Rothaich as iomallaiche a th' ann.
| Lurg Mhòr | |
|---|---|
 Lurg Mhor bho Bidean a' Choire Sheasgaich | |
| Àirde (m) | 986 |
| Àirde (tr) | 3235 |
| Àirde rinneach (m) | 441 |
| air liosta | Beinn Rothaich |
| Suidheachadh | |
  Lurg Mhòr (Alba) | |
| Suidheachadh | Frìth Mhonar |
| Mapa cumadh-tìre | Landranger 25 |
| Comharradh-clèithe | NH064404 |
'S e rud mòr a bhith a' streap na beinne seo leis gu bheil i ann an suidheachadh cho iomallach. Gheibhear thuice bho Achadh na Seileach, bho Atadal no bho Chill Fhaolain, agus 's ann air an rothair a nì a' mhòrchuid de dhaoine pàirt den t-slighe. Bidh cuid a' campachadh faisg air a' bheinn agus a' tòiseachadh às ùr an ath latha. Bidh cuid ga cheangal le Bidean a' Choire Sheasgaich a tha dìreach mu 2km air falbh bhon mhullach. Gheibhear suas gu cofhurtail bho thaobh Loch Calavie dhan bhealach eadar an dà bheinn.[1].
Bhon mhullach gheibhear seallaidhean air Loch Monar, Beinn Fhionnlaidh, beanntan Ghleann Afraig, Srath Farair agus Toirbheartan.
Sealbh
'S ann air Oighreachd Atadail a tha Lurg Mhòr agus Bidean a' Choire Sheasgaich[2].