Los Angeles

Ann an Calafòrnia, 's e Los Angeles[1] (Spàinntis: /los ˈaŋxeles/) am baile leis an àireamh as motha de dhaoine agus an dàrna baile anns na Stàitean Aonaichte gu lèir le 3,849,378 a bha a' fuireach ann ann an 2006. Anns an sgìre Los Angeles, bha suas gu 13.3 millean duine a' fuireach ann sa bhliadhna sin. Chaidh Los Angeles a stèidheachadh ann an 1781 leis na Spàinntich. Bha an sgìre seo na pàirt den dùthaich Meagsago eadar 1821 is 1848. Tha baile eile, air a bheil Beverley Hills, air a chuairteachadh air gach taobh le Los Angeles.