Johan de Witt

B' e Johan de Witt neo Jan de Witt (Dordrecht, 24 an t-Sultain 1625 - Den Haag, 20 an Lùnasdal, 1672) Stàitire agus Matamataigear[1] às Na Tìrean Ìsle.[2] Bhuinneadh de Witt do theaghlach Uachdaranach ainmeil cumhachdail. Bha athair, Jacob de Witt, na phròbhaist Dordrecht còig turas agus fhuair de Witt fhèin a chuid fhoghlaim ann an Leiden, far an robh e gu math soirbheachail ann am Matamataig agus Lagh. Chaidh e gu Sasainn, An Eadailt, An Eilbheis agus An Fhraing ann an 1645[3] agus nuair a thill e dhachaigh thoisich e a bhith na fear-lagha ann an Den Haag.

Johan de Witt
Peinnseanair 1650 - 1653 Mòr-pheinnseanair 1653 - 1672 ← Adriaan Pauw (en) - Gaspar Fagel (en) → Keeper of the Seals (en) 1660 - 1672
Beatha
Breith	Dordrecht, 24 dhen t-Sultain 1625
Dùthaich	Poblachd nan Seachd Roinnean Aonaichte
Bàs	Groene Zoodje (en) agus Den Haag, 20 dhen Lùnastal 1672
Nàdar a’ bhàis	murt duine (mort le gràisg)
Teaghlach
Athair	Jacob de Witt
Cèile	Wendela Bicker (en)  (30 dhen Fhaoilleach 1655 -
Clann	liosta Johan de Witt Jr. (en)
Bràithrean ⁊ peathraichean	liosta Cornelis de Witt (en)
Sinnsirean	liosta Andries de Witt (en) (uncle (en) ) Cornelis de Graeff (en) (uncle (en) ) Pieter de Graeff (en) (cousin (en) ) Andries Bicker (en) (father-in-law (en) ) Jan Gerritsz. Bicker (en) (father-in-law (en) )
Fine	De Witt (en)
Foghlam
Foghlam	Oilthigh Leiden
Stiùiriche an teusais	Frans van Schooten (en) Isaac Beeckman (en)
Cànain	Laideann
Dreuchd
Dreuchd	matamataigear, neach-poileataigs, neach-lagha agus sgrìobhadair
Àitichean-obrach	Den Haag, Dordrecht agus Den Haag
Far-ainmean	D.H.
Creideamh
Creideamh	An Eaglais Ath-leasaichte Dhuitseach

Chaidh e ainmeachadh rianaire (Duitsis: pensionaris) Dordrecht ann an 1650, agus rianaire na h-Òlaind air fad ann an 1653. A bharrachd air sin, phòs de Witt ri Wendela Bicker à Amsterdam air 16 an Gearran 1655 agus fhuair iad ceathrar duine-chloinne còmhla: Agnes, Anna, Maria agus Johan òg. Chuidich am pòsadh seo e ann an saoghal a' phoileataigs leis gu robh teaghlach a' mhnà uabhasach neartmhor cumhachdail sa bhaile aca. le sin, 's e esan a bha os cionn na dùthcha gu ruige 1672, Rampjaar (Gàidhlig: Bliadhna na Dosgainne). Nuair a chaochail Wendela, phòs e ri Cornelia de Ruyter, nighean an àrd-mharaiche Michiel de Ruyter, ann an 1659.

S' e poblachdach a bh' ann de Witt, is e an aghaidh nan Rìoghairean. Cho-rèitich esan còrdaidhean fàbharach còmhla ri Sasainn, A' Phortagail agus An Danmhairg agus leasaich e ìompaireachd nan Tìrean Ìsle thall san san Innd-Innse. Ach bha an dùthaich air a bhith ann an droch staing phoileataigeach fad mòran bhliadhna. Nuair an tug Sasainn, An Fhraing agus easbaigeachdan Münster agus Köln ionnsaigh air Poblachd nan Seachd Roinnean Aonaichte chaidh esan agus a bhràthair mòr Cornelius a chur gu bàs[4] le gràisg fheargach fhiadhaich dhe Orangaich ann an Den Haag air 20 an Lùnasdal 1672.

Dh'fhoillsich de Witt an leabhar Elementa curvarum linearum (Gàidhlig: Eileamaidan nan loighnichean lùbte) ann an 1658.[5]