Gunnar Thoroddsen

B' e neach-lagha, riochdaire dioplòmasach agus neach-poileataigs à Innis Tìle a bh' ann an Gunnar Thoroddsen (IPA: ˈɡʏnːar ˈtʰoːurɔtˌsɛn).[1] Rugadh e air 29 an Dùbhlachd 1910 ann an Reykjavík. Fhuair e a chuid foghlaim aig Menntaskólinn í Reykjavík agus Oilthigh Innis Tìle. Chaidh a thaghadh dhan Alþingi airson a' chiad turais ann an 1934 nuair a bha e dìreach 23 bliadhna a dh'aois, am fear na b'òige a chaidh a thaghadh dhan Alþingi a-riamh. Fhuair e trì ministrealachd (maoineachas, socharan sòisealta agus malairt) mus robh e na fhorsætisráðherra (Gàidhlig: Prìomh-mhinistear) bho 1980 gu ruige 1983 às leth Sjálfstæðisflokkurinn (Gàidhlig: Pàrtaidh na Neo-eisimeileachd).[2] Phòs e aig Vala Ásgeirsdóttir - nighean Ásgeir Ásgeirsson - ann an 1941 agus fhuair iad ceathrar chloinne còmhla.[3] Bha e cuideachd na thosgair thall san Danmhairg, bho 1965 gu ruige 1969. Sheas e airson ceann-suidhe na dùthcha ann an 1968 ach cha deach a thaghadh, leis nach d' fhuair e ach 35,428 bhòtaichean (34.4%).[4] Chaochail Thoroddsen ann an Reykjavík air 25 an t-Sultain 1983.

Gunnar Thoroddsen
Tosgair Pròbhaist Reykjavík 10 dhen Ghearran 1947 - 19 dhen t-Samhain 1959 Ministear an Ionmhais Innise Tìle 20 dhen t-Samhain 1959 - 8 dhen Chèitean 1965 ← Guðmundur Ívarsson Guðmundsson (en) - Magnús Jónsson (en) → Ministear Chùisean Sòisealta 29 dhen Dàmhair 1974 - 9 dhen Dàmhair 1978 ← Magnús Torfi Ólafsson (en) - Magnús Helgi Magnússon (en) → Minister of Industry of Iceland (en) 29 dhen Dàmhair 1974 - 9 dhen Dàmhair 1978 ← Magnús Kjartansson (en) - Hjörleifur Guttormsson (en) → Prìomh-mhinistear Innise Tìle 8 dhen Ghearran 1980 - 26 dhen Chèitean 1983 ← Benedikt Sigurðsson Gröndal - Steingrímur Hermannsson →
Beatha
Breith	Reykjavík, 29 dhen Dùbhlachd 1910
Dùthaich	Innis Tìle
Bàs	Reykjavík, 25 dhen t-Sultain 1983
Nàdar a’ bhàis	adhbharan nàdarra (bànachadh-fala)
Foghlam
Foghlam	Oilthigh Innis Tìle
Dreuchd
Dreuchd	neach-poileataigs, dioplomat, neach-teagaisg oilthigh agus neach-lagha
Fastaichean	Oilthigh Innis Tìle
Creideamh
Pàrtaidh poileataigeach	Sjálfstæðisflokkurinn