Fergie Dòmhnallach

'S e Neach-ciùil Gàidhealach à Mùideart a tha ann am Fergie Dòmhnallach. Tha e na chluicheadair bogsa-phutan agus tha e air a bhith na cheannard chòmhlan-ciùil chèilidh mhìorbhaileach o chionn còrr is 40 bliadhna. Tha Gàidhlig aige.[1] Chuir e còmhlan ri chèile airson a' chiad uair ann an 1953. Nochd e air rèidio a' BhBC agus air telebhisean ann an 1964.[1] Gu ruige seo, tha e air corr is 32 clàran a chlàradh.[1] Tha e a' cluich gu cunbhalach air BBC Alba agus ' s e fhèin a bh' anns a chiad duine a chraolaich fìor cheòl cèilidh air a' BhBC. Tha e na ostair aig an Taigh-òsta Chlann Raghnaill ann am Mùideart, far a bheil ho-ro-gheallaidh is craic ri fhaighinn a h-uile deireadh-seachdain. Chaidh a sgeulachd-beatha Fergie fhoillseachadh ann an 2003 agus chaidh prògram a chraoladh mu a dheidhinn air Oidhche Challain an aon bhliadhna.

Fergie Dòmhnallach
Beatha
Breith Glaschu, 1938
Dùthaich  Alba
Foghlam
Cànain Gàidhlig
Beurla
Dreuchd
Dreuchd neach-ciùil, leasaiche-cuirp agus òstair
Inneal-ciùil bogsa-ciùil

Eachdraidh a Bheatha

Rugadh e ann an Glaschu agus thogadh e ann am Mùideart.[2] Chaidh Fergie dhan bun-sgoil Mhìogharraidh agus Àrd-sgoil a' Ghearasdain.[1] Chaidh e an uair sin dhan airm. Nuair a dh'fhàg e an t-airm fhuair e teisteanas mar leasaiche-cuirp ann an Glaschu.[1] Fhuair e MBE ann an 2021.

Iomraidhean
  1. “Fergie MacDonald”. Air a thogail 15mh dhen t-Samhain 2022.
  2. “Fergie Dòmhnallach”. Tobar an Dualchais. Air a thogail 5mh dhen t-Samhain 2022.

Ceanglaichean a-muigh
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.