Caolas Keriç

'S e caolas air àirde an ear-dheas na Roinn-Eòrpa a th' ann an Caolas Keriç (Tatar: Керич бугазы, Ruisis: Керченский пролив, Ucràinis: Керченська протока). Tha i suidhichte eadar an Ruis agus an Ucràin agus 's e an ceangal-mara eadar a' Mhuir Dhubh agus Muir Azov a th' ann.[1] Tha an caolas 35km a dh'fhaide agus 3.1km a leud. Chan eil an caolas idir cho domhain, dìreach 18m thar cheann.[2] Tha luchd-rannsachaidh dhen bheachd gun do chruthaicheadh an caolas Keriç mu 5600 RC, nuair a bha ìre na mara a' sìor-fhàs an dèidh Linn na Deighe.[3] B' e gleann a bh' ann ro làimh. Thathar a' togail drochaid tarsainn a' chaolais, a bhios deiseal airson 2019.[4]

Caolas Keriç
Suidheachadh
Ainm dùthchail Керченский пролив/Керич бугазы/Керченська протока
Seòrsa Caolas
Fad 35km
Leud 3.1km
Mòr-roinn Roinn-Eòrpa
Dùthaich An Ruis
An Ucràin
Làrach-lìn Eosnap

Tha e coltach gur ann à Keriç, ainm a' bhaile as motha sa Chaolas, a tha an t-ainm. B' e Cimmerianus Bosporus ann an Laideann agus Κιμμέριος Βόσπορος ann an Greugais a chanadh ris anns a' chian-aimsir, air sàilleabh gu robh treubh a' fuireach san sgìre air an robh na Cimmerii.[5]

Bailtean
  • Keriç

Iomraidhean
  1. GRIDA
  2. BSE
  3. Ryan, W.B.F., Pitman, W.C.; et al. (An Giblean 1997). "An Abrupt Drowning Of The Black Sea Shelf". Marine Geology 138: 119–126.
  4. Eurasiches Magazin
  5. Anthon, J., A Classical Dictionary Containing an Accouint of the Principal Proper Names Mentioned in Ancient Authors, Harper, Eabhraig Nuadh, 1841
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.