Cantàbria

'S e fear de na mòr-roinnean na Spàinne a tha ann Cantàbria (IPA: kan'taβɾja). Tha e suidhichte ann an ceann a tuath na dùthcha. 'S e Santander a th' ann am prìomh-bhaile na roinne agus tha port-adhair ann siud cuideachd.[1] Tha Cantàbria aon-roinneil. 'S e Cantabria an 15mh cheàrn as motha a tha anns a' Spàinn. Tha e cho farsaing ri 5,321 cilemeatair ceàrnagach, 1.27% na dùthcha. Anns a' bhliadhna 2009 bha 591,886 duine de shluagh ann,[2] le dlùths aig àireamh 111.2 duine gach km². ‘S e dìreach Spàinntis a tha ga bruidhinn ann an Cantabria. Tha i na coimhearsnachd fèin-riaghlaidh fo smachd an Parlamento de Cantabria. Tha pàrlamaid le ceann-suidhe agus Buidheann Riaghlaidh aige.[3] Chaidh an roinn a chruthachadh ann an 1833 le Javier de Burgos, a bha an Rùnaire na Stàite agus Leasachaidh aig an àm.[4]

Freumhan an ainm

‘S ann gu math connspaideach ‘s a tha freumhan an ainm air sàilleabh nach eil Freumh-fhaclachd na sgìre idir soilleir. Anns an Spàinn tha mòran dhen bheachd - Joaquín González Echegaray nam measg[5] - gur ann à Kanto (Gàidhlig: clach) agus an t-iar-leaschanabr ann an t-seann cheiltis a th’ ann an t-aimn. Bheireadh sin Carraig dhuinn sa Ghàidhlig.[6] Tha cuid eile dhen bheachd gur ann à Canto (Gàidhlig: iomall)[7] leis gu bheil an sgìre faisg air a' mhuir. Bha àite eile ann am Breatainn air an robh Cantium. 'S ann à Ceiltis a tha mòran nan àinmean-àite san sgìre.[8]

Cruinn-eòlas

Tha iadhtag ann, a bhuineas do Chantàbria, ann an ceann a tuath na roinne a-muigh Bizkaia. 'S e Valle de Villaverde an t-ainm a tha air.[9] Tha e na aite fa leth air sàilleabh gu bheil sliabh ann eadar an iadhtag sin agus an còrr dhen roinn. Chan eil ach 336 duine a' fuireach ann.

Iomraidhean
  1. Verdenorte
  2. Cunntas-sluaigh na Spàinne
  3. Parlamento de Cantabria
  4. Ethnoterritorial Concurrence and Imperfect Federalism in Spain
  5. González Echegaray, Joaquín (1993). Editorial Estudio, ed. Los Cántabros, Santander, ISBN 84-87934-23-4.
  6. Tovar, Cantabria prerromana, 18; J.M. Solana Sáinz, Los cántabros y la ciudad de Iuliobriga, Santander, 1981
  7. D.E. Evans, “Some Celtic forms in cant-”, Bulletin of the Board of Celtic Studies 27, 197678, 243-245; A.L.F. Rivet and C. Smith, The place names of Roman Britain, Lunnainn, 1979, 298299.
  8. Linguistic Strata in Ancient Cantabria: The Evidence of Toponyms, CURCHIN L. A., University of Waterloo, Canada
  9. Cantarbria 102 Municipios

Ceangal a-muigh
Coimhearsnachdan agus Bailtean Fhèin-Riaghlach na Spàinne

Andalusia • Aragón • Asturias • Na h-Eileanan Balèarach • Na h-Eileanan Canàrach • Cantàbria • Castilla-La Mancha • Castilla y León • Catalòinia • Co-chomann València • Dùthaich nam Basgach • Extremadura  • A' Ghàilis • Madrid  • Melilla  • Murcia  • Nafarroa  • La Rioja • Ceuta

 
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.