Bjarni Benediktsson

'S e neach-malairt agus neach-poileataigs à Innis Tìle a th' ann am Bjarni Benediktsson.[1] Rugadh e air 26 am Faoilleach 1970 ann an Reykjavík ach tha e a' fuireach a-nis ann an Garðabær.[2] Bha bràthair-seanar Bhenediktsson, air an robh Bjarni Benediktsson (1908 - 1970) cuideachd na neach-poileataigs.[3] Tha Benediktsson na bhall Sjálfstæðisflokkurinn (Gàidhlig: Pàrtaidh na Neo-eisimeileachd), a' chiad fhòrsa poileataigeach as motha san Alþingi, agus a tha san riaghaltas ann an co-bhann còmhla ri Vinstrihreyfingin - grænt framboð agus Framsóknarflokkurinn. Chaidh a thaghadh dhan Alþingi airson a' chiad turais ann an 2003. Bha Benediktsson na fhorsætis­ráð­herra (Gàidhlig: Prìomh-mhinistear) eadar Am Faoilleach 2017 agus An t-Samhain 2017. Fhuair e a chuid foghlaim aig Menntaskólinn í Reykjavík agus Oilthigh Innis Tìle (Innis-Tìlis: Háskóli Íslands). Tha Benediktsson pòsta aig Þóra Margrét Baldvinsdóttir agus tha ceathrar chloinne aca còmhla.

Bjarni Benediktsson
Ball Pàrlamaid Innise Tìle 2017 Sgìre: Iar-dheas Ball Pàrlamaid Innise Tìle 2007 - 2009 12 dhen Chèitean 2007 - 25 dhen Ghiblean 2009 Sgìre: Iar-dheas Taghadh: Taghadh Pàrlamaideach Innise Tìle 2007 Ball Pàrlamaid Innise Tìle 2009 - 2013 25 dhen Ghiblean 2009 - 27 dhen Ghiblean 2013 Sgìre: Iar-dheas Taghadh: Taghadh Pàrlamaideach Innise Tìle 2009 Ball Pàrlamaid Innise Tìle 2013 - 2016 27 dhen Ghiblean 2013 - 29 dhen Dàmhair 2016 Sgìre: Iar-dheas Taghadh: Taghadh Pàrlamaideach Innise Tìle 2013 Ministear an Ionmhais 23 dhen Chèitean 2013 - 11 dhen Fhaoilleach 2017 ← Katrín Júlíusdóttir (en) - Bjarni Benediktsson → Ball Pàrlamaid Innise Tìle 2016 - 2017 29 dhen Dàmhair 2016 - Sgìre: Iar-dheas Taghadh: Taghadh Pàrlamaideach Innise Tìle 2016 27. Prìomh-mhinistear Innise Tìle 11 dhen Fhaoilleach 2017 - 30 dhen t-Samhain 2017 ← Sigurður Ingi Jóhannsson - Katrín Jakobsdóttir → Ministear an Ionmhais 30 dhen t-Samhain 2017 - 10 dhen Dàmhair 2023 ← Benedikt Jóhannesson (en) Member of the 2021– Parliament of Iceland (en) 25 dhen t-Sultain 2021 - Sgìre: Iar-dheas Taghadh: 2021 Icelandic parliamentary election (en)
Beatha
Breith	Reykjavík, 26 dhen Fhaoilleach 1970
Dùthaich	Innis Tìle
Teaghlach
Cèile	Þóra Margrét Baldvinsdóttir (en)
Foghlam
Foghlam	Oilthigh Innis Tìle Oilthigh Miami
Cànain	Innis Tìlis
Dreuchd
Dreuchd	neach-poileataigs agus neach-lagha
Creideamh
Pàrtaidh poileataigeach	Sjálfstæðisflokkurinn

Bha Benediktsson na chathraiche air dà chompanaidh - N1 agus BNT - anns na bliadhnaichean 2005 - 2008 ac leig e dheth na dreuchdan cathraiche seo a bh'aige às deidh tuiteam a' bhanca ann an Innis Tìle as t-fhoghar 2008 oir bha e a' faireachdainn gu robh cruaidh fheum aige air sgarradh a dhèanamh eadar na bha e an sàs ann am malairt agus poileataigs. Às deidh an tuiteam sin, a thug staing gu math doirbh air eaconomaidh Innise Tìle, rinn a' Chomataidh Sgrùdaidh sgrùdadh air cia mheud BP a fhuair iasad de chòrr air ceud millean krónur bho 2005 gu ruige tuiteam nam bancaichean san Dàmhair 2008. Thàinig gu bàrr gu robh fiachan de 174 millean aig Benediktsson. Stèidhich Benediktsson a' chompanaidh far-oirthir Falson & co anns Na h-Eileanan Sheiseall ann an 2006. Bha a' chompanaidh sin a' riaghladh na bha Benediktsson a' cur ri pròiseactan thogalaichean ann an Dubai.[4] Air sgàth sin, San t-Sultain 2017 thuirt Björt framtíð gum fàgadh iad an co-bhanntachd anns an robh iad le Sjálfstæðisflokkurinn agus Viðreisn. Mar thoradh air an sin, bhris caibineat Bhjarni Bhenediktsson agus chaidh taghadh tràth a dhèanamh.

Ann an 2015, nochd aoidion dàta gu robh Benediktsson air a bhith na neach-cleachdaidh clàraichte air an làrach-lìn Ashley Madison, a tha na làrach-lìn airson daoine pòsta no daoine ann an dàimhean a tha a' gabhail ri adhaltrachd. Chaidh Benediktsson a chlàradh an sin fon ainm-cleachdaidh "IceHot1".[5] Thuirt Benediktsson agus Baldvinsdóttir gu bheil iad air an clàradh còmhla air an lìon dìreach airson spòrs.