Bello

'S e Hato Viejo an t-ainm a bha air a' bhaile o thùs, bho dhà fhacal ann an Spàinntis: Hato (tuathanas cruidh) le freumhan anns an fhacal Gotach Fata (Aodach)[5] agus viejo (seann) bho veculus ann an Laideann.[6] Chaidh an t-ainm aige a dh'atharrachadh gu Bello ann an 1883, an sloinneadh aig a' churaidh Andrés Bello, a bha an sàs anns a' chogadh an aghaidh na Spàinne.

Ged a tha 371,591 nan tàmh anns a' bhaile, chan eil ach 13,452 dhuibh a' fuireach anns na sgìrean dùthchasail am broinn crìochan a' bhaile.[7] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[8] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. 'S e am baile leis an dlùths taobh àireimh-sluaigh as motha anns an dùthaich.

Taobh chinnidh, ' s e daoine geala a th'ann a' mhòr-chuid dhe na daoine ann am Bello (is mòran dhuibh mestizos), tha 0.1% dhe Tùsanaich agus 7.7% dhe daoine le freumhan ann an Afraga. ' S urrainn dhan 92,9% dhe na daoine ann an Itagüí leughadh agus sgrìobhadh. A tuilleadh air sin, tha fòn aig an taigh aig 91,4,7% dhe na dachannan.[9]

Thathar a’ cumail am iomadach seòrsa dhe fhèis ann an Bello. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[10] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis Neo-eisimeileachd na dùthcha: 20mh An t-Iuchar.
• Fèis Neo-eisimeileachd na roinne: 11mh an Lùnasdal.
• Fèis "Germán Muñoz Gómez" na Dannsaichean Bailebravo agus Rumba.[11]
• Seachdain a' Chànain.
• Fèis Hatoviejo Ceòl na h-Andes.
• Tachartas Ealain na h-Ograidh airson Bello.
• Fèisean a' Bheinn Quitasol: 16mh gu 26mh an t-Iuchar.

Marco Fidel Suárez (1855 - 1927): Ceann-suidhe Choloimbia eadar 1918 agus 1921

An t-sìde ann am Bello (Medellín)

1. Mapa oifigeil na roinneTeamplaid:Fix/category
2. Dùthchannan aig SMO
3. Encyclopedia Britannica
4. Bailtean as motha na dùthcha
5. Real Diccionario de la Lengua
6. Real Diccionario de la Lengua
7. Figearan Oifis a' Chunntas-sluaigh
8. Cololmbia Virtual
9. Bileag fhiosrachaidh DANE
10. Country Studies: Colombia
11. Cosecheros de Antioquia